خاکِ طیبہ کی اگر دل میں ہو وقعت محفوظ
عیبِ کوری سے رہے چشمِ بصیرت محفوظ
دل میں روشن ہو اگر شمع وِلاے مولیٰ
دُزدِ شیطا ں سے رہے دین کی دولت محفوظ
یا خدا محو نظارہ ہوں یہاں تک آنکھیں
شکل قرآں ہو مرے دل میں وہ صورت محفوظ
سلسلہ زُلفِ مبارک سے ہے جس کے دل کو
ہر بَلا سے رکھے اﷲ کی رحمت محفوظ
تھی جو اُس ذات سے تکمیل فرامیں منظور
رکھی خاتم کے لیے مہر نبوت محفوظ
اے نگہبان مرے تجھ پہ صلوٰۃ اور سلام
دو جہاں میں ترے بندے ہیں سلامت محفوظ
واسطہ حفظِ الٰہی کا بچا رہزن سے
رہے ایمانِ غریباں دمِ رحلت محفوظ
شاہیِ کون و مکاں آپ کو دی خالق نے
کنز قدرت میں اَزل سے تھی یہ دولت محفوظ
تیرے قانون میں گنجائش تبدیل نہیں
نسخ و ترمیم سے ہے تری شریعت محفوظ
جسے آزاد کرے قامتِ شہ کا صدقہ
رہے فتنوں سے وہ تا روزِ قیامت محفوظ
اُس کو اَعدا کی عداوت سے ضرر کیا پہنچے
جس کے دل میں ہو حسنؔ اُن کی محبت محفوظ
خاکِ طیبہ کی اگر دل میں ہو وقعت محفوظ
حالیہ پوسٹیں
- سن لو خدا کے واسطے اپنے گدا کی عرض
- بس! محمد ہے نبی سارے زمانے والا
- کیا بتاؤں کہ شہرِ نبی میں پہنچ جانا ہے کتنی سعادت
- سلام ائے صبحِ کعبہ السلام ائے شامِ بت خانہ
- بھر دو جھولی میری یا محمد
- تو سب کا رب سب تیرے گدا
- معراج کی شب سدرہ سے وریٰ تھا اللہ اور محبوبِ الہٰ
- ہو ورد صبح و مسا لا الہ الا اللہ
- میرا تو سب کچھ میرا نبی ہے
- فضلِ رَبّْ العْلیٰ اور کیا چاہیے
- میں گدائے دیارِ نبی ہوں پوچھیئے میرے دامن میں کیا ہے
- پوچھتے کیا ہو عرش پر یوں گئے مصطفیٰ کہ یوں
- وہی رب ہے جس نے تجھ کو ہمہ تن کرم بنایا
- ارباب زر کےمنہ سے جب بولتا ہے پیسہ
- ہم تمہارے ہوکے کس کے پاس جائیں
- راتیں بھی مدینے کی باتیں بھی مدینے کی
- وہ نبیوں میں رحمت لقب پانے والا
- ساہ مُک چلے آقا آس نہ مُکی اے
- پھر اٹھا ولولۂ یادِ مغیلانِ عرب
- عاصیوں کو دَر تمہارا مل گیا