صبح طیبہ میں ہوئی بٹتا ہے باڑا نور کا
صدقہ لینے نور کا آیا ہے تارا نور کا
باغِ طیبہ میں سہانا پھول پھولا نور کا
مست بو ہیں بلبلیں پڑھتی ہیں کلمہ نور کا
بارھویں کے چاند کا مجرا ہے سجدہ نور کا
بارہ برجوں سے جھکا ایک اِک ستارہ نور کا
ان کے قصرِ قدر سے خلد ایک کمرہ نور کا
سدرہ پائیں باغ میں ننھا سا پودا نور کا
عرش بھی فردوس بھی اس شاہ والا نور کا
یہ مُثمّن بُرج وہ مشکوئے اعلیٰ نور کا
آئی بدعت چھائی ظلمت رنگ بدلا نور کا
ماہِ سنّت مہرِ طلعت لے لے بدلا نور کا
تیرے ہی ماتھے رہا اے جان سہرا نور کا
بخت جاگا نور کا چمکا ستارا نور کا
میں گدا تو بادشاہ بھر دے پیالہ نور کا
نور دن دونا تِرا دے ڈال صدقہ نور کا
تیری ہی جانب ہے پانچوں وقت سجدہ نور کا
رُخ ہے قبلہ نور کا ابرو ہے کعبہ نور کا
پشت پر ڈھلکا سرِ انور سے شملہ نور کا
دیکھیں موسیٰ طور سے اُترا صحیفہ نور کا
تاج والے دیکھ کر تیرا عمامہ نور کا
سر جھکاتے ہیں، الٰہی! بول بالا نور کا
بینیِ پُر نور پر رخشاں ہے بُکّہ نور کا
ہے لِوَآءُ الْحَمْد پر اڑتا پھریرا نور کا
مصحفِ عارض پہ ہے خطِّ شفیعہ نور کا
لو، سیہ کارو! مبارک ہو قبالہ نور کا
آبِ زر بنتا ہے عارض پر پسینہ نور کا
مصحفِ اعجاز پر چڑھتا ہے سونا نور کا
صبح طیبہ میں ہوئی بٹتا ہے باڑا نور کا
صدقہ لینے نور کا آیا ہے تارا نور کا
صبح طیبہ میں ہوئی بٹتا ہے باڑا نور کا
حالیہ پوسٹیں
- جتنا مرے خدا کو ہے میرا نبی عزیز
- تم بات کرو ہونہ ملاقات کرو ہو
- امام المرسلیں آئے
- طیبہ کی ہے یاد آئی اب اشک بہانے دو
- اُسی کا حکم جاری ہے زمینوں آسمانوں میں
- خاک سورج سے اندھیروں کا ازالہ ہوگا
- پاٹ وہ کچھ دَھار یہ کچھ زار ہم
- طیبہ نگری کی گلیوں میں دل کی حالت مت پوچھو
- باغ‘جنت کے ہیں بہرِ مدح خوانِ اہلِ بیت
- جنہاں نوں اے نسبت او تھاواں تے ویکھو
- میرے نبی پیارے نبی ؑ ہے مرتبہ بالا تیرا
- رُخ دن ہے یا مہرِ سما ، یہ بھی نہیں وہ بھی نہیں
- ہم خاک ہیں اور خاک ہی ماوا ہے ہمارا
- سما سکتا نہیں پہنائے فطرت میں مرا سودا
- غلام حشر میں جب سید الوریٰ کے چلے
- وہ نبیوں میں رحمت لقب پانے والا
- احمد کہُوں ک ہحامدِ یکتا کہُوں تجھے
- آہ جاتی ہے فلک پر رحم لانے کے لئے
- سن لو خدا کے واسطے اپنے گدا کی عرض
- اک میں ہی نہیں ان پر قربان زمانہ ہے