تو سب کا رب سب تیرے گدا
سب کا رازق سب کا داتا
سب نا شکروں نا خلفوں کو
بن مانگے سب کچھ ہے دیتا
جب بھی کوئی پکارے تجھے
تو سب کی دعائیں ہے سنتا
ہر رنگ میں تیرے جلوے ہیں
ہر چیز میں تیرا حُسن چُھپا
تو ہر تخلیق میں ظاہر ہے
ہر چیز ہے کرتی تیری ثنا
اس دہر کی ہر اک شے فانی
ہے ازلی ابدی ذاتِ خدا
تو مخفی تھا اپنے رنگ میں
خالی خالی تنہا تنہا
پھر تو نے سوچا یہ کیا ہے
نہ کوئی ساتھی سنگ تیرا
پھر تو نے اپنے نور سے ہی
محبوب اپنا تخلیق کیا
پھر عرش و کرسی لوح بنے
اور لوح پہ لکھتا قلم بنا
پھر جنت و دوزخ حور و ملک
جنات کا طبقہ پیدا کیا
اور تیری بڑائی کرتے ہوئے
ہر ایک تھا سجدہ ریز ہوا
ہر جانب تیرا چرچا ہوا
ہر دل میں تیرا نام بسا
افلاک میں ہر سو ہر جانب
اللہ اللہ تھا گونج رہا
یہ سب کچھ کر چکنے پر بھی
تیرا من بے کل بے کل تھا
تب تو نے نورِ احمد کی
تشہیر کے بارے میں سوچا
بلوا کے سب ملائک کو
تو نے جب یہ اعلان کیا
میں ارض پہ اپنے نائب کا
اب کرنا چاھتا ہوں چرچا
پھر آدم کی پیشانی میں
کچھ نورِ محمد ڈالا گیا
اور سارے عزت داروں کو
سجدہ کرنے کا حکم دیا
لیکن تیری قدرت یا رب
سب سجدے میں تھے ابلیس نہ تھا
استاد فرشتوں کا تھا مگر
تکریمِ محمد کو نہ جھکا
اِک پل میں ہر شے کھو بیٹھا
شیطان بنا مردود ہوا
میں اکثر سوچتا ہوں یا رب
ہے کتنا سُچا عشق تیرا
کہ ادبِ محمد سے بڑھکر
ہے کوئی عبادت نہ سجدہ
تو سب کا رب سب تیرے گدا
حالیہ پوسٹیں
- نہیں خوش بخت محتاجانِ عالم میں کوئی ہم سا
- بے خُود کِیے دیتے ہیں اَندازِ حِجَابَانَہ
- طیبہ کی ہے یاد آئی اب اشک بہانے دو
- لم یات نطیرک فی نظر، مثل تو نہ شد پیدا جانا
- کیا ٹھیک ہو رُخِ نبوی پر مثالِ گل
- اﷲ سے کیا پیار ہے عثمانِ غنی کا
- کدی میم دا گھونگھٹ چا تے سہی
- نبیؐ کا لب پر جو ذکر ہے بےمثال آیا کمال آیا
- میں کہاں اور تیری حمد کا مفہوم کہاں
- مجھ پہ بھی میرے آقا گر تیرا کرم ہووے
- اب میری نگاہوں میں جچتا نہیں کوئی
- آہ جاتی ہے فلک پر رحم لانے کے لئے
- خلق کے سرور شافع محشر صلی اللہ علیہ وسلم
- ساقیا کیوں آج رِندوں پر ہے تو نا مہرباں
- کچھ غم نہیں اگرچہ زمانہ ہو بر خلاف
- خدا کی خلق میں سب انبیا خاص
- در پیش ہو طیبہ کا سفر کیسا لگے گا
- جتنا مرے خدا کو ہے میرا نبی عزیز
- منظر فضائے دہر میں سارا علی کا ہے
- تھی جس کے مقدر میں گدائی ترے در کی