وہ نبیوں میں رحمت لقب پانے والا
مرادیں غریبوں کی بر لانے والا
مصیبت میں غیروں کے کام آنے والا
وہ اپنے پرائے کا غم کھانے والا
فقیروں کا ملجا ضعیفوں کا ماویٰ
یتیموں کا والی غلاموں کا مولیٰ
خطا کا ر سے درگزر کرنے والا
بد اندیش کے دل میں گھر کرنے والا
مفاسد کا زیر و زبر کرنے والا
قبائل کو شیر و شکر کرنے والا
اتر کر حِرا سے سوئے قوم آیا
اور اک نسخہ کیمیا ساتھ لایا
مس خام کو جس نے کندن بنایا
کھرا اور کھوٹا الگ کر دکھایا
عرب جس پہ قرنوں سے تھا جہل چھایا
پلٹ دی بس اک آن میں اس کی کایا
رہا ڈر نہ بیڑے کو موجِ بلا کا
اِدھر سے اُدھر پھر گیا رخ ہوا کا
وہ نبیوں میں رحمت لقب پانے والا
حالیہ پوسٹیں
- تمہارے ذرے کے پرتو ستار ہائے فلک
- سیف الملوک
- طیبہ دیاں گلاں صبح و شام کریے
- یا رب میری آہوں میں اثرہے کہ نہیں ہے
- میں لب کشا نہیں ہوں اور محو التجا ہوں
- پاٹ وہ کچھ دَھار یہ کچھ زار ہم
- رشکِ قمر ہوں رنگِ رخِ آفتاب ہوں
- مجھ پہ بھی میرے آقا گر تیرا کرم ہووے
- دل رہ گیا ہے احمدِ مختار کی گلی میں
- رب دے پیار دی اے گل وکھری
- آمنہ بی بی کے گلشن میں آئی ہے تازہ بہار
- مرا پیمبر عظیم تر ہے
- کس کی مجال ہے کہ وہ حق تیرا ادا کرے
- میرے مولا کرم ہو کرم
- رب دیاں رحمتاں لٹائی رکھدے
- ساقیا کیوں آج رِندوں پر ہے تو نا مہرباں
- نہ آسمان کو یوں سر کشیدہ ہونا تھا
- رب کولوں اساں غم خوار منگیا
- کوئی تو ہے جو نظامِ ہستی چلا رہا ہے ، وہی خدا ہے
- خزاں کی شام کو صبحِ بہار تُو نے کیا