وہ نبیوں میں رحمت لقب پانے والا
مرادیں غریبوں کی بر لانے والا
مصیبت میں غیروں کے کام آنے والا
وہ اپنے پرائے کا غم کھانے والا
فقیروں کا ملجا ضعیفوں کا ماویٰ
یتیموں کا والی غلاموں کا مولیٰ
خطا کا ر سے درگزر کرنے والا
بد اندیش کے دل میں گھر کرنے والا
مفاسد کا زیر و زبر کرنے والا
قبائل کو شیر و شکر کرنے والا
اتر کر حِرا سے سوئے قوم آیا
اور اک نسخہ کیمیا ساتھ لایا
مس خام کو جس نے کندن بنایا
کھرا اور کھوٹا الگ کر دکھایا
عرب جس پہ قرنوں سے تھا جہل چھایا
پلٹ دی بس اک آن میں اس کی کایا
رہا ڈر نہ بیڑے کو موجِ بلا کا
اِدھر سے اُدھر پھر گیا رخ ہوا کا
وہ نبیوں میں رحمت لقب پانے والا
حالیہ پوسٹیں
- ذاتِ والا پہ بار بار درود
- کیا مہکتے ہیں مہکنے والے
- مدینے کی ٹھنڈی ہواؤں پہ صدقے
- آرزو ہے میری یامحمد موت آئے تو اس طرح آئے
- شاہِ کونین کی ہر ادا نور ہے
- کرے مدحِ شہِ والا، کہاں انساں میں طاقت ہے
- چشمِ دل چاہے جو اَنوار سے ربط
- دلوں کی ہے تسکیں دیارِ مدینہ
- زہے عزت و اعتلائے محمد
- یہ کس نے پکارا محمد محمد بڑا لطف آیا سویرے سویرے
- اک خواب سناواں
- انکے درِ نیاز پر سارا جہاں جھکا ہوا
- کچھ نہیں مانگتا شاہوں سے یہ شیدا تیرا
- جا زندگی مدینے سے جھونکے ہوا کے لا
- میرے اتے کرم کما سوھنیا
- میں بھی روزے رکھوں گا یا اللہ توفیق دے
- ترے دَر پہ ساجد ہیں شاہانِ عالم
- بزم محشر منعقد کر مہر سامان جمال
- رونقِ بزمِ جہاں ہیں عاشقانِ سوختہ
- ذکرِ احمد میں گزری جو راتیں حال انکا بتایا نہ جائے