پیغام صبا لائی ہے گلزار نبی سے
آیا ہے بلاوا مجھے دربار نبی سے
ہر آه گئی عرش پہ یہ آه کی قسمت
ھر اشک پہ اک خلد ہے ہر اشک کی قیمت
تحفہ یہ ملا ہے مجھے سرکار نبی سے
آیا ہے بلاوا مجھے دربار نبی سے
شکر خدا کی آج گھڑی اس سفر کی ہے
جس پر نثار جان فلاح و ظفر کی ہے
گرمی ہے تپ ہے درد ہے کلفت سفر کی ہے
نا شکر یہ تو دیکھ عزیمت کدھر کی ہے
لٹتے ہیں مارے جاتے ہیں یوں ہی سنا کیے
ہر بار دی وہ امن کہ غیرت حضر کی ہے
ہم کو اپنے سائے میں آرام ہی سے لائے
حیلے بہانے والوں کو یہ راہ ڈر کی ہے
ماہ مدینہ اپنی تجلی عطا کرے
یہ ڈھلتی چاندنی تو پہر دو پہر کی ہے
اس کے طفیل حج بھی خدا نے کرا دئیے
اصل مراد حاضری اس پاک در کی ہے
کعبہ کا نام تک نہ لیا طیبہ ہی کہا
پوچھا تھا ہم سے جس نے کہ نہضت کدھر کی ہے
ان پر درود جن کو حجر تک کریں سلام
ان پر سلام جن کو تحیت شجر کی ہے
جن و بشر سلام کو حاضر ہیں السلام
یہ بارگاہ مالک جن و بشر کی ہے
ان پر درود جن کو کس بیکساں کہیں
ان پر سلام جن کو خبر بے خبر کی ہے
شمس و قمر سلام کو حاضر ہی السلام
خوبی انہی کی جوت سے شمس و قمر کی ہے
سب بحر و بر سلام کو حاضر ہیں السلام
تملیک انہی کے نام تو بحر و بر کی ہے
سنگ و شجر سلام کو حاضر ہیں السلام
کلمے سے تر زبان درخت و حجر کی ہے
عرض و اثر سلام کو حاضر ہیں السلام
ملجا یہ بارگاہ دعا و اثر کی ہے
شوریدہ سر سلام کو حاضر ہیں السلام
راحت انہی کے قدموں میں شویدہ سر کی ہے
خستی جگر سلام کو حاضر ہیں السلام
مرہم یہیں کی خاک تو خستہ جگر کی ہے
سب خشک و تر سلام کو حاضر ہیں السلام
یہ جلو گاہ مالک ہر خشک و تر کی ہے
سب کروفر سلام کو حاضر ہیں السلام
ٹوپی یہیں تو خاک پہ ہر کروفر کی ہے
اہل نظر سلام کو حاضر ہیں السلام
یہ گرد ہی تو سرمہئ سب اہل نظر کی ہے
پیغام صبا لائی ہے گلزار نبی سے
حالیہ پوسٹیں
- گزرے جس راہ سے وہ سیدِ والا ہو کر
- ہم مدینے سے اللہ کیوں آگئے
- اے مدینہ کے تاجدار سلام
- میں تو امتی ہوں اے شاہ اُمم
- آج اشک میرے نعت سنائیں تو عجب کیا
- وہ سوئے لالہ زار پھرتے ہیں
- افکار کی لذت کیا کہنا جذبات کا عالم کیا کہنا
- کس کے جلوے کی جھلک ہے یہ اجالا کیا ہے
- میں تو خود ان کے در کا گدا ہوں
- چھائے غم کے بادل کالے
- نبی اللہ نبی اللہ جپدے رہوو
- چلو دیارِ نبی کی جانب درود لب پر سجا سجا کر
- سرور انبیاء کی ہے محفل سجی
- یقیناً منبعِ خوفِ خدا صِدِّیقِ اکبر ہیں
- اُجالی رات ہوگی اور میدانِ قُبا ہوگا
- یا نبی نظری کرم فرمانا ، یا نبی نظر کرم فرمانا ،
- یا نبی نظرِ کرم فرمانا اے حسنین کے نانا
- نارِ دوزخ کو چمن کردے بہارِ عارض
- امام المرسلیں آئے
- مولاي صل و سلم دائما أبدا