خدا کی خلق میں سب انبیا خاص
گروہِ انبیا میں مصطفےٰ خاص
نرالا حُسنِ انداز و اَدا خاص
تجھے خاصوں میں حق نے کر لیا خاص
تری نعمت کے سائل خاص تا عام
تری رحمت کے طالب عام تا خاص
شریک اُس میں نہیں کوئی پیمبر
خدا سے ہے تجھ کو واسطہ خاص
گنہگارو! نہ ہو مایوسِ رحمت
نہیں ہوتی کریموں کی عطا خاص
گدا ہوں خاص رحمت سے ملے بھیک
نہ میں خاص اور نہ میری اِلتجا خاص
ملا جو کچھ جسے وہ تم سے پایا
تمھیں ہو مالکِ مُلکِ خدا خاص
غریبوں بے نواؤں بے کسوں کو
خدا نے در تمہارا کر دیا خاص
جو کچھ پیدا ہوا دونوں جہاں میں
تصدق ہے تمہاری ذات کا خاص
تمہاری انجمن آرائیوں کو
ہوا ہنگامۂ قَالُوْا بَلٰی خاص
نبی ہم پایہ ہوں کیا تو نے پایا
نبوت کی طرح ہر معجزہ خاص
جو رکھتا ہے جمالِ مَنْ رَّاٰنِیْ
اُسی منہ کی صفت ہے وَالضُّحٰی خاص
نہ بھیجو اور دروازوں پر اِس کو
حسنؔ ہے آپ کے در کا گدا خاص
خدا کی خلق میں سب انبیا خاص
حالیہ پوسٹیں
- میرا تو سب کچھ میرا نبی ہے
- تیرے در سے تیری عطا مانگتے ہیں
- کبھی خزاں کبھی فصلِ بہار دیتا ہے
- وجہِ تخلیقِ دو عالم، عالم آرا ہو گیا
- مدینےکا سفر ہے اور میں نم دیدہ نم دیدہ
- میں لب کشا نہیں ہوں اور محو التجا ہوں
- اے رسولِ امیںؐ ، خاتم المرسلیںؐ
- دل میں ہو یاد تیری گوشہ تنہائی ہو
- کون ہو مسند نشیں خاکِ مدینہ چھوڑ کر
- آہ جاتی ہے فلک پر رحم لانے کے لئے
- خاک سورج سے اندھیروں کا ازالہ ہوگا
- سر محشر شفاعت کے طلب گاروں میں ہم بھی ہیں
- مدینے کا شاہ سب جہانوں کا مالک
- خوب نام محمد ھے اے مومنو
- تو ہے وہ غوث کہ ہر غوث ہے شیدا تیرا
- طرب انگیز ہے راحت فزا ہے کیف ساماں ہے
- مجھ کو طیبہ میں بلا لو شاہ زمنی
- سیف الملوک
- ہم خاک ہیں اور خاک ہی ماوا ہے ہمارا
- اپنی نسبت سے میں کچھ نہیں ہوں، اس کرم کی بدولت بڑا ہوں