اے حبِّ وطن ساتھ نہ یوں سوے نجف جا
ہم اور طرف جاتے ہیں تو اور طرف جا
چل ہند سے چل ہند سے چل ہند سے غافل !
اُٹھ سوے نجف سوے نجف سوے نجف جا
پھنستا ہے وبالوں میں عبث اخترِ طالع
سرکار سے پائے گا شرف بہر شرف جا
آنکھوں کو بھی محروم نہ رکھ حُسنِ ضیا سے
کی دل میں اگر اے مہِ بے داغ و کلف جا
اے کُلفتِ غم بندۂ مولیٰ سے نہ رکھ کام
بے فائدہ ہوتی ہے تری عمر تلف جا
اے طلعتِ شہ آ تجھے مولیٰ کی قسم آ
اے ظلمتِ دل جا تجھے اُس رُخ کا حَلف جَا
ہو جلوہ فزا صاحبِ قوسین کا نائب
ہاں تیرِ دعا بہرِ خدا سُوے ہدف جا
کیوں غرقِ اَلم ہے دُرِ مقصود سے منہ بھر
نیسانِ کرم کی طرف اے تشنہ صدف جا
جیلاں کے شرف حضرتِ مولیٰ کے خلف ہیں
اے نا خلف اُٹھ جانبِ تعظیمِ خلف جا
تفضیل کا جویا نہ ہو مولیٰ کی وِلا میں
یوں چھوڑ کے گوہر کو نہ تو بہر خذف جا
مولیٰ کی امامت سے محبت ہے تو غافل
اَربابِ جماعت کی نہ تو چھوڑ کے صف جا
کہہ دے کوئی گھیرا ہے بَلاؤں نے حسنؔ کو
اے شیرِ خدا بہرِ مدد تیغ بکف جا
اے حبِّ وطن ساتھ نہ یوں سوے نجف جا
حالیہ پوسٹیں
- رب دے پیار دی اے گل وکھری
- زمیں میلی نہیں ہوتی زمن میلا نہیں ہوتا
- سر محشر شفاعت کے طلب گاروں میں ہم بھی ہیں
- سحابِ رحمتِ باری ہے بارھویں تاریخ
- اب تنگی داماں پہ نہ جا اور بھی کچھ مانگ
- خدا کی قسم آپ جیسا حسیں
- تو سب کا رب سب تیرے گدا
- کیونکر نہ میرے دل میں ہو الفت رسول کی
- تیرا ذکر میری ہے زندگی تیری نعت میری ہے بندگی
- اے مدینہ کے تاجدار سلام
- ہر وقت تصور میں مدینے کی گلی ہو
- یا نبی سلام علیک یا رسول سلام علیک
- سب کچھ ہے خدا،اُس کے سوا کچھ بھی نہیں ہے
- کون کہتا ہے کہ زینت خلد کی اچھی نہیں
- اللہ دے حضور دی اے گل وکھری
- کعبے کی رونق کعبے کا منظر، اللہ اکبر اللہ اکبر
- اشارے سے چاند چیر دیا چھپے ہوئے خور کو پھیر لیا
- دل و نگاہ کی دنیا نئی نئی ہوئی ہے
- خاکِ طیبہ کی اگر دل میں ہو وقعت محفوظ
- صانع نے اِک باغ لگایا