خدا کی خلق میں سب انبیا خاص
گروہِ انبیا میں مصطفےٰ خاص
نرالا حُسنِ انداز و اَدا خاص
تجھے خاصوں میں حق نے کر لیا خاص
تری نعمت کے سائل خاص تا عام
تری رحمت کے طالب عام تا خاص
شریک اُس میں نہیں کوئی پیمبر
خدا سے ہے تجھ کو واسطہ خاص
گنہگارو! نہ ہو مایوسِ رحمت
نہیں ہوتی کریموں کی عطا خاص
گدا ہوں خاص رحمت سے ملے بھیک
نہ میں خاص اور نہ میری اِلتجا خاص
ملا جو کچھ جسے وہ تم سے پایا
تمھیں ہو مالکِ مُلکِ خدا خاص
غریبوں بے نواؤں بے کسوں کو
خدا نے در تمہارا کر دیا خاص
جو کچھ پیدا ہوا دونوں جہاں میں
تصدق ہے تمہاری ذات کا خاص
تمہاری انجمن آرائیوں کو
ہوا ہنگامۂ قَالُوْا بَلٰی خاص
نبی ہم پایہ ہوں کیا تو نے پایا
نبوت کی طرح ہر معجزہ خاص
جو رکھتا ہے جمالِ مَنْ رَّاٰنِیْ
اُسی منہ کی صفت ہے وَالضُّحٰی خاص
نہ بھیجو اور دروازوں پر اِس کو
حسنؔ ہے آپ کے در کا گدا خاص
خدا کی خلق میں سب انبیا خاص
حالیہ پوسٹیں
- لو مدینے کی تجلی سے لگائے ہوئے ہیں
- مجھ پہ چشمِ کرم اے میرے آقا کرنا
- یا صاحب الجمال و یا سید البشر
- پاٹ وہ کچھ دَھار یہ کچھ زار ہم
- جو گزریاں طیبہ نگری وچ او گھڑیاں مینوں بھلدیاں نئیں
- محؐمد محؐمد پکارے چلا جا
- اے سبز گنبد والے منظور دعا کرنا
- یہ دنیا اک سمندر ہے مگر ساحل مدینہ ہے
- فلک پہ دیکھا زمیں پہ دیکھا عجیب تیرا مقام دیکھا
- تمہارے ذرے کے پرتو ستار ہائے فلک
- وہ یوں تشریف لائے ہم گنہ گاروں کے جھرمٹ میں
- اسیروں کے مشکل کشا غوث اعظم
- بندہ قادر کا بھی قادر بھی ہے عبدالقادر
- جو ہر شے کی حقیقت ہے جو پنہاں ہے حقیقت میں
- میں کس منہ سے مانگوں دعائے مدینہ
- اُجالی رات ہوگی اور میدانِ قُبا ہوگا
- نہ اِترائیں کیوں عاشقانِ محؐمد
- تڑپ رہاں ہوں میں کب سے یا رب
- در پیش ہو طیبہ کا سفر کیسا لگے گا
- اے مدینہ کے تاجدار سلام