جانبِ مغرب وہ چمکا آفتاب
بھیک کو مشرق سے نکلا آفتاب
جلوہ فرما ہو جو میرا آفتاب
ذرّہ ذرّہ سے ہو پیدا آفتاب
عارضِ پُر نور کا صاف آئینہ
جلوۂ حق کا چمکتا آفتاب
یہ تجلّی گاہِ ذاتِ بحت ہے
زُلفِ انور ہے شب آسا آفتاب
دیکھنے والوں کے دل ٹھنڈے کیے
عارضِ انور ہے ٹھنڈا آفتاب
ہے شبِ دیجور طیبہ نور سے
ہم سیہ کاروں کا کالا آفتاب
بخت چمکا دے اگر شانِ جمال
ہو مری آنکھوں کا تارا آفتاب
نور کے سانچے میں ڈھالا ہے تجھے
کیوں ترے جلووں کا ڈھلتا آفتاب
ناخدائی سے نکالا آپ نے
چشمۂ مغرب سے ڈوبا آفتاب
ذرّہ کی تابش ہے اُن کی راہ میں
یا ہوا ہے گِر کے ٹھنڈا آفتاب
گرمیوں پر ہے وہ حُسنِ بے زوال
ڈھونڈتا پھرتا ہے سایہ آفتاب
اُن کے دَر کے ذرّہ سے کہتا ہے مہر
ہے تمہارے دَر کا ذرّہ آفتاب
شامِ طیبہ کی تجلی دیکھ کر
ہو تری تابش کا تڑکا آفتاب
روے مولیٰ سے اگر اُٹھتا نقاب
چرخ کھا کر غش میں گرتا آفتاب
کہہ رہی ہے صبحِ مولد کی ضیا
آج اندھیرے سے ہے نکلا آفتاب
وہ اگر دیں نکہت و طلعت کی بھیک
ذرّہ ذرّہ ہو مہکتا آفتاب
تلوے اور تلوے کے جلوے پر نثار
پیارا پیارا نور پیارا آفتاب
اے خدا ہم ذرّوں کے بھی دن پھریں
جلوہ فرما ہو ہمارا آفتاب
اُن کے ذرّہ کے نہ سر چڑھ حشر میں
دیکھ اب بھی ہے سویرا آفتاب
جس سے گزرے اے حسنؔ وہ مہرِ حسن
اُس گلی کا ہو اندھیرا آفتاب
![](https://imuslimz.com/wp-content/uploads/2022/02/default-featured-image.gif)
جانبِ مغرب وہ چمکا آفتاب
حالیہ پوسٹیں
- کس نے غنچوں کو نازکی بخشی
- ہے کلامِ الٰہی میں شمس و ضحی ترے چہرہ ءِ نور فزا کی قسم
- ہر لب پہ ہے تیری ثنا ، ہر بزم میں چرچا ترا
- تو ہے وہ غوث کہ ہر غوث ہے شیدا تیرا
- ہو اگر مدحِ کفِ پا سے منور کاغذ
- تلو مونی علی ذنب عظیم
- بھر دو جھولی میری یا محمد
- اک خواب سناواں
- جو نور بار ہوا آفتابِ حسنِ ملیح
- مجھ پہ چشمِ کرم اے میرے آقا کرنا
- اللہ نے پہنچایا سرکار کے قدموں میں
- طرب انگیز ہے راحت فزا ہے کیف ساماں ہے
- اللہ دے حضور دی اے گل وکھری
- نامِ نبیؐ تو وردِ زباں ہے ناؤ مگر منجدھار میں ہے
- سب سے اولیٰ و اعلیٰ ہمارا نبی
- یہ سینہ اور یہ دل دوسرا معلوم ہوتا ہے
- کدی میم دا گھونگھٹ چا تے سہی
- سیف الملوک
- معراج کی شب سدرہ سے وریٰ تھا اللہ اور محبوبِ الہٰ
- فضلِ رَبّْ العْلیٰ اور کیا چاہیے