زہے عزت و اعتلائے محمد
کہ ہے عرش حق زیر پائے محمد
مکاں عرش ان کا فلک فرش ان کا
ملک خادمان سرائے محمد
خدا کی رضا چاہتے ہیں دو عالم
خدا چاہتا ہے رضائے محمد
عجب کیا اگر رحم فرما لے ہم پر
خدائے محمد برائے محمد
محمد برائے جناب الٰہی
جناب الٰہی برائے محمد
بسی عطر محبوبی کبریا سے
عبائے محمد قبائے محمد
بہم عہد باندھے ہیں وصل ابد کا
رضائے خدا اور رضائے محمد
دم نزع جاری ہو میری زباں پر
محمد محمد خدائے محمد
عصائے کلیم اژدہائے غضب تھا
گروں کا سہارا عصائے محمد
میں قربان کیا پیاری پیاری ہے نسبت
یہ آنِ خدا وہ خدائے محمد
محمد کا دم خاص بہرِ خدا ہے
سوائے محمد برائے محمد
خدا اُن کو کس پیار سے دیکھتا ہے
جو آنکھیں ہیں محوِ لقائے محمد
جلو میں اجابت خواصی میں رحمت
بڑھی کس تزک سے دعائے محمد
اجابت نے جھک کر گلے سے لگایا
بڑھی ناز سے جب دعائے محمد
اجابت کا سہرا عنایت کا جوڑا
دلہن بن کے نکلی دعائے محمد
رضا پل سے اب وجد کرتے گزریے
کہ ہے رب سلم صدائے محمد
زہے عزت و اعتلائے محمد
حالیہ پوسٹیں
- سارے نبیوں کے عہدے بڑے ہیں لیکن آقا کا منصب جدا ہے
- اُجالی رات ہوگی اور میدانِ قُبا ہوگا
- تم بات کرو ہونہ ملاقات کرو ہو
- کس کے جلوے کی جھلک ہے یہ اجالا کیا ہے
- سرکار دو عالم کے رخ پرانوار کا عالم کیا ہوگا
- عرش پر بھی ہے ذکرِ شانِ محؐمد
- خدا کی قسم آپ جیسا حسیں
- اے مدینہ کے تاجدار سلام
- دل رہ گیا ہے احمدِ مختار کی گلی میں
- توانائی نہیں صدمہ اُٹھانے کی ذرا باقی
- سن لو خدا کے واسطے اپنے گدا کی عرض
- لو مدینے کی تجلی سے لگائے ہوئے ہیں
- سر سوئے روضہ جھکا پھر تجھ کو کیا
- نہ کلیم کا تصور نہ خیالِ طور سینا
- صانع نے اِک باغ لگایا
- کدی میم دا گھونگھٹ چا تے سہی
- سلام ائے صبحِ کعبہ السلام ائے شامِ بت خانہ
- کیا مہکتے ہیں مہکنے والے
- قصیدۂ معراج
- دل و نگاہ کی دنیا نئی نئی ہوئی ہے