صبح طیبہ میں ہوئی بٹتا ہے باڑا نور کا
صدقہ لینے نور کا آیا ہے تارا نور کا
باغِ طیبہ میں سہانا پھول پھولا نور کا
مست بو ہیں بلبلیں پڑھتی ہیں کلمہ نور کا
بارھویں کے چاند کا مجرا ہے سجدہ نور کا
بارہ برجوں سے جھکا ایک اِک ستارہ نور کا
ان کے قصرِ قدر سے خلد ایک کمرہ نور کا
سدرہ پائیں باغ میں ننھا سا پودا نور کا
عرش بھی فردوس بھی اس شاہ والا نور کا
یہ مُثمّن بُرج وہ مشکوئے اعلیٰ نور کا
آئی بدعت چھائی ظلمت رنگ بدلا نور کا
ماہِ سنّت مہرِ طلعت لے لے بدلا نور کا
تیرے ہی ماتھے رہا اے جان سہرا نور کا
بخت جاگا نور کا چمکا ستارا نور کا
میں گدا تو بادشاہ بھر دے پیالہ نور کا
نور دن دونا تِرا دے ڈال صدقہ نور کا
تیری ہی جانب ہے پانچوں وقت سجدہ نور کا
رُخ ہے قبلہ نور کا ابرو ہے کعبہ نور کا
پشت پر ڈھلکا سرِ انور سے شملہ نور کا
دیکھیں موسیٰ طور سے اُترا صحیفہ نور کا
تاج والے دیکھ کر تیرا عمامہ نور کا
سر جھکاتے ہیں، الٰہی! بول بالا نور کا
بینیِ پُر نور پر رخشاں ہے بُکّہ نور کا
ہے لِوَآءُ الْحَمْد پر اڑتا پھریرا نور کا
مصحفِ عارض پہ ہے خطِّ شفیعہ نور کا
لو، سیہ کارو! مبارک ہو قبالہ نور کا
آبِ زر بنتا ہے عارض پر پسینہ نور کا
مصحفِ اعجاز پر چڑھتا ہے سونا نور کا
صبح طیبہ میں ہوئی بٹتا ہے باڑا نور کا
صدقہ لینے نور کا آیا ہے تارا نور کا
صبح طیبہ میں ہوئی بٹتا ہے باڑا نور کا
حالیہ پوسٹیں
- انکی مدحت کرتے ہیں
- مصطفی جانِ رحمت پہ لاکھوں سلام
- اے حبِّ وطن ساتھ نہ یوں سوے نجف جا
- شاہِ کونین کی ہر ادا نور ہے
- میرا تو سب کچھ میرا نبی ہے
- سنتے ہیں کہ محشر میں صرف اُن کی رسائی ہے
- نعمتیں بانٹتا جس سمت وہ ذیشان گیا
- پھر اٹھا ولولۂ یادِ مغیلانِ عرب
- جتنا مرے خدا کو ہے میرا نبی عزیز
- طلسماتِ شب بے اثر کرنے والا
- مجھے در پہ پھر بلانا مدنی مدینے والے
- مبارک ہو وہ شہ پردہ سے باہر آنے والا ہے
- نعت سرکاؐر کی پڑھتاہوں میں
- حمدِ خدا میں کیا کروں
- پوچھتے کیا ہو مدینے سے میں کیا لایا ہوں
- آرزو ہے میری یامحمد موت آئے تو اس طرح آئے
- خدا تو نہیں با خدا مانتے ہیں
- اللہ نے پہنچایا سرکار کے قدموں میں
- ہر دم تیری باتیں کرنا اچھا لگتا ہے
- نامِ نبیؐ تو وردِ زباں ہے ناؤ مگر منجدھار میں ہے