زہے عزت و اعتلائے محمد
کہ ہے عرش حق زیر پائے محمد
مکاں عرش ان کا فلک فرش ان کا
ملک خادمان سرائے محمد
خدا کی رضا چاہتے ہیں دو عالم
خدا چاہتا ہے رضائے محمد
عجب کیا اگر رحم فرما لے ہم پر
خدائے محمد برائے محمد
محمد برائے جناب الٰہی
جناب الٰہی برائے محمد
بسی عطر محبوبی کبریا سے
عبائے محمد قبائے محمد
بہم عہد باندھے ہیں وصل ابد کا
رضائے خدا اور رضائے محمد
دم نزع جاری ہو میری زباں پر
محمد محمد خدائے محمد
عصائے کلیم اژدہائے غضب تھا
گروں کا سہارا عصائے محمد
میں قربان کیا پیاری پیاری ہے نسبت
یہ آنِ خدا وہ خدائے محمد
محمد کا دم خاص بہرِ خدا ہے
سوائے محمد برائے محمد
خدا اُن کو کس پیار سے دیکھتا ہے
جو آنکھیں ہیں محوِ لقائے محمد
جلو میں اجابت خواصی میں رحمت
بڑھی کس تزک سے دعائے محمد
اجابت نے جھک کر گلے سے لگایا
بڑھی ناز سے جب دعائے محمد
اجابت کا سہرا عنایت کا جوڑا
دلہن بن کے نکلی دعائے محمد
رضا پل سے اب وجد کرتے گزریے
کہ ہے رب سلم صدائے محمد
زہے عزت و اعتلائے محمد
حالیہ پوسٹیں
- سر محشر شفاعت کے طلب گاروں میں ہم بھی ہیں
- نہ زر نہ ہی جاہ و حشم کی طلب ہے
- جتنا مرے خدا کو ہے میرا نبی عزیز
- توانائی نہیں صدمہ اُٹھانے کی ذرا باقی
- مجھ پہ چشمِ کرم اے میرے آقا کرنا
- یہ حقیقت ہے کہ جینا وہی جینا ہوگا
- حُضور! آپ کا رُتبہ نہ پا سکا کوئی
- سوہنا اے من موہنا اے آمنہ تیرا لال نی
- میں کس منہ سے مانگوں دعائے مدینہ
- کعبے پہ پڑی جب پہلی نظر، کیا چیز ہے دنیا بھول گیا
- اے حبِّ وطن ساتھ نہ یوں سوے نجف جا
- پل سے اتارو ، راہ گزر کو خبر نہ ہو
- یادِ وطن ستم کیا دشتِ حرم سے لائی کیوں
- اے رسولِ امیںؐ ، خاتم المرسلیںؐ
- دل میں ہو یاد تری گوشۂ تنہائی ہو
- لطف ان کا عام ہو ہی جائے گا
- چاند تاروں نے پائی ہے جس سے چمک
- طور نے تو خوب دیکھا جلوۂ شان جمال
- دونوں جہاں کا حسن مدینے کی دُھول ہے
- خطا کار ہوں با خدا مانتا ہوں