زہے عزت و اعتلائے محمد
کہ ہے عرش حق زیر پائے محمد
مکاں عرش ان کا فلک فرش ان کا
ملک خادمان سرائے محمد
خدا کی رضا چاہتے ہیں دو عالم
خدا چاہتا ہے رضائے محمد
عجب کیا اگر رحم فرما لے ہم پر
خدائے محمد برائے محمد
محمد برائے جناب الٰہی
جناب الٰہی برائے محمد
بسی عطر محبوبی کبریا سے
عبائے محمد قبائے محمد
بہم عہد باندھے ہیں وصل ابد کا
رضائے خدا اور رضائے محمد
دم نزع جاری ہو میری زباں پر
محمد محمد خدائے محمد
عصائے کلیم اژدہائے غضب تھا
گروں کا سہارا عصائے محمد
میں قربان کیا پیاری پیاری ہے نسبت
یہ آنِ خدا وہ خدائے محمد
محمد کا دم خاص بہرِ خدا ہے
سوائے محمد برائے محمد
خدا اُن کو کس پیار سے دیکھتا ہے
جو آنکھیں ہیں محوِ لقائے محمد
جلو میں اجابت خواصی میں رحمت
بڑھی کس تزک سے دعائے محمد
اجابت نے جھک کر گلے سے لگایا
بڑھی ناز سے جب دعائے محمد
اجابت کا سہرا عنایت کا جوڑا
دلہن بن کے نکلی دعائے محمد
رضا پل سے اب وجد کرتے گزریے
کہ ہے رب سلم صدائے محمد
زہے عزت و اعتلائے محمد
حالیہ پوسٹیں
- چشمِ دل چاہے جو اَنوار سے ربط
- یا رب میری سوئی ہوئی تقدیر جگا دے
- دل میں بس گئے یارو طیبہ کے نظارے ہیں
- منظر فضائے دہر میں سارا علی کا ہے
- محبوبِ کبریا سے میرا سلام کہنا
- نور کس کا ہے چاند تاروں میں
- طیبہ والا جدوں دا دیار چھٹیا
- لو آگئے میداں میں وفادارِ صحابہ
- جس کو کہتے ہیں قیامت حشر جس کا نام ہے
- جانبِ مغرب وہ چمکا آفتاب
- کعبے پہ پڑی جب پہلی نظر، کیا چیز ہے دنیا بھول گیا
- ہم کو اپنی طلب سے سوا چایئے
- خدا تو نہیں با خدا مانتے ہیں
- خطا کار ہوں با خدا مانتا ہوں
- نبیؐ کا لب پر جو ذکر ہے بےمثال آیا کمال آیا
- مرحبا عزت و کمالِ حضور
- مثلِ شبّیر کوئی حق کا پرستار تو ہو
- تو شمع رسالت ہے عالم تیرا پروانہ
- آکھیں سونہڑے نوں وائے نی جے تیرا گزر ہو وے
- کیا مہکتے ہیں مہکنے والے