کیا کریں محفل دلدار کو کیوں کر دیکھیں
اپنے سرکار کے دربار کو کیوں کر دیکھیں
تابِ نظارہ تو ہو ، یار کو کیوں کر دیکھیں
آنکھیں ملتی نہیں دیدار کو کیوں کر دیکھیں
دلِ مردہ کو ترے کوچہ میں کیوں کر لے جائیں
اثرِ جلوۂ رفتار کو کیوں کر دیکھیں
جن کی نظروں میں ہے صحراے مدینہ بلبل
آنکھ اُٹھا کر ترے گلزار کو کیوں کر دیکھیں
عوضِ عفو گنہ بکتے ہیں اِک مجمع ہے
ہائے ہم اپنے خریدار کو کیوں کر دیکھیں
ہم گنہگار کہاں اور کہاں رؤیتِ عرش
سر اُٹھا کر تری دیوار کو کیوں کر دیکھیں
اور سرکار بنے ہیں تو انھیں کے دَر سے
ہم گدا اور کی سرکار کو کیوں کر دیکھیں
دستِ صیاد سے آہو کو چھڑائیں جو کریم
دامِ غم میں وہ گرفتار کو کیوں کر دیکھیں
تابِ دیدار کا دعویٰ ہے جنھیں سامنے آئیں
دیکھتے ہیں ترے رُخسار کو کیوں کر دیکھیں
دیکھیے کوچۂ محبوب میں کیوں کر پہنچیں
دیکھیے جلوۂ دیدار کو کیوں کر دیکھیں
اہل کارانِ سقر اور اِرادہ سے حسنؔ
ناز پروردۂ سرکار کو کیوں کر دیکھیں
کیا کریں محفل دلدار کو کیوں کر دیکھیں
حالیہ پوسٹیں
- معطیِ مطلب تمہارا ہر اِشارہ ہو گیا
- تیرا ذکر میری ہے زندگی تیری نعت میری ہے بندگی
- زہے عزت و اعتلائے محمد
- بے خُود کِیے دیتے ہیں اَندازِ حِجَابَانَہ
- عکسِ روئے مصطفے سے ایسی زیبائی ملی
- سر سوئے روضہ جھکا پھر تجھ کو کیا
- شبنم میں شراروں میں گلشن کی بہاروں میں
- میں گدائے دیارِ نبی ہوں پوچھیئے میرے دامن میں کیا ہے
- سر تا بقدم ہے تن سلطان زمن پھول
- یہ ناز یہ انداز ہمارے نہیں ہوتے
- تنم فرسودہ، جاں پارہ ز ہجراں، یا رسول اللہ ۖ
- نہ کلیم کا تصور نہ خیالِ طور سینا
- ارباب زر کےمنہ سے جب بولتا ہے پیسہ
- میں کہاں پہنچ گیا ہوں تیرا نام جپتے جپتے
- بس میرا ماہی صل علیٰ
- سر محشر شفاعت کے طلب گاروں میں ہم بھی ہیں
- خاک سورج سے اندھیروں کا ازالہ ہوگا
- میں تو خود ان کے در کا گدا ہوں
- چار یار نبی دے چار یار حق
- اے رسولِ امیںؐ ، خاتم المرسلیںؐ