جو گزریاں طیبہ نگری وچ او گھڑیاں مینوں بھلدیاں نئیں
جتھوں لنگھ کے روضے جاندا ساں او گلیاں مینوں بھلدیاں نئیں
دن رات دے ہر اک لمحے وچ طیبہ دے شہر تے چھایاں ہویاں
رحمت دا مینہ ورساندیاں سن جو جھڑیاں مینوں بھلدیاں نئیں
میں پھر پھر ویکھے سارے چمن کوئی پھل وی نظریں جچیا نئیں
جو ڈِٹھیاں طیبہ باغ اندر او کلیاں مینوں بھلدیاں نئیں
اک گُھور اندھیری رات اندر او لاٹاں نور و نور دیاں
روضے توں عرشِ بریں ولے جو چڑھیا ں مینوں بھلدیاں نئیں
سارا عالم مہکاون لئی پُر مشک ہواواں فجر دیاں
روضے دی جالی چم چم کے جو چلیاں مینوں بھلدیاں نئیں
جد مسجدِ نبوی دے اندر ہتھ بنھ کے کھلوتا سا میں وی
خوش بختیاں اس دم میرے سنگ جو رَلیاں مینوں بھلدیاں نئیں
نبیاں ولیاں تے ملکاں نے اک وجد دے وچ جو پایا ں سن
روضے تے کھلو کے رب دی سونہہ او جلیاں مینوں بھلدیاں نئیں
معراج دی شب میرے آقا نوں بستر توں اٹھاون دی خاطر
جبرائیل جنہاں نوں چمدے سن او تلیاں مینوں بھلدیاں نئیں
جو گزریاں طیبہ نگری وچ او گھڑیاں مینوں بھلدیاں نئیں
حالیہ پوسٹیں
- تنم فرسودہ، جاں پارہ ز ہجراں، یا رسول اللہ ۖ
- دل دیاں گلاں میں سناواں کس نوں
- تیرے ہوتے جنم لیا ہوتا
- معراج کی شب سدرہ سے وریٰ تھا اللہ اور محبوبِ الہٰ
- سلام اس ذاتِ اقدس پر سلام اس فخرِ دوراں پر
- یہ ناز یہ انداز ہمارے نہیں ہوتے
- زہے مقدر حضور حق سے سلام آیا پیام آیا
- تمہارا نام مصیبت میں جب لیا ہو گا
- دونوں جہاں کا حسن مدینے کی دُھول ہے
- دل میں ہو یاد تری گوشۂ تنہائی ہو
- یقیناً منبعِ خوفِ خدا صِدِّیقِ اکبر ہیں
- کچھ غم نہیں اگرچہ زمانہ ہو بر خلاف
- جنہاں نوں اے نسبت او تھاواں تے ویکھو
- جانبِ مغرب وہ چمکا آفتاب
- لو مدینے کی تجلی سے لگائے ہوئے ہیں
- پوچھتے کیا ہو مدینے سے میں کیا لایا ہوں
- یہ دنیا اک سمندر ہے مگر ساحل مدینہ ہے
- میں گدائے دیارِ نبی ہوں پوچھیئے میرے دامن میں کیا ہے
- نبی سَروَرِ ہر رسول و ولی ہے
- ترے دَر پہ ساجد ہیں شاہانِ عالم