اے عشقِ نبی میرے دل میں بھی سما جانا
مجھ کوبھی محمدﷺ کا دیوانہ بنا جانا
جس خواب میں ہو جائے دیدارِ نبیﷺ حاصل
اے عشق کبھی مجھ کو نیند ایسی سُلا جانا
ہر خواہشِ نفس میری اک بت ہے میرے دل کا
بت خانئہ دل میرا کعبہ سا بنا جانا
جو رنگ کہ جامی پر رومی پر چڑھایا تھا
اس رنگ کی کچھ رنگت مجھ پہ بھی چڑھا جانا
خرقانی و بسطامی منصور نے جو پی تھی
اک قطرہ اسی مے کا مجھ کو بھی پلا جانا
قدرت کی نگاہیں بھی جس چہرے کو تکتی تھیں
اس چہرہء انور کا دیدار کرا جانا
دیدارِ محمدﷺ کی حسرت تو رہے باقی
جز اس کے ہر اک حسرت اس دل سے مٹا جانا
دنیا سے ریاضؔ ہو جب عقبیٰ کی طرف جانا
داغِ غمِ احمد سے سینے کو سجا جانا
اے کاش ریاضؔ آئے مژدہ یہ مدینے سے
سرکارﷺ بلاتے ہیں اک نعت سنا جانا
اے عشقِ نبی میرے دل میں بھی سما جانا
مجھ کوبھی محمدﷺ کا دیوانہ بنا جانا

اے عشقِ نبی میرے دل میں بھی سما جانا
حالیہ پوسٹیں
- کوئی سلیقہ ہے آرزو کا ، نہ بندگی میری بندگی ہے
- اللہ نے پہنچایا سرکار کے قدموں میں
- ہم خاک ہیں اور خاک ہی ماوا ہے ہمارا
- وہ کمالِ حُسنِ حضور ہے کہ گمانِ نقص جہاں نہیں
- دل میں ہو یاد تری گوشۂ تنہائی ہو
- اب میری نگاہوں میں جچتا نہیں کوئی
- چھائے غم کے بادل کالے
- خزاں کی شام کو صبحِ بہار تُو نے کیا
- لطف ان کا عام ہو ہی جائے گا
- اﷲ سے کیا پیار ہے عثمانِ غنی کا
- ہو ورد صبح و مسا لا الہ الا اللہ
- نور کس کا ہے چاند تاروں میں
- کون کہتا ہے کہ زینت خلد کی اچھی نہیں
- عکسِ روئے مصطفے سے ایسی زیبائی ملی
- اپنی نسبت سے میں کچھ نہیں ہوں، اس کرم کی بدولت بڑا ہوں
- زمین و زماں تمہارے لئے ، مکین و مکاں تمہارے لیے
- جو نور بار ہوا آفتابِ حسنِ ملیح
- جاں بلب ہوں آ مری جاں الغیاث
- کچھ غم نہیں اگرچہ زمانہ ہو بر خلاف
- مرحبا عزت و کمالِ حضور