خدا کی خلق میں سب انبیا خاص
گروہِ انبیا میں مصطفےٰ خاص
نرالا حُسنِ انداز و اَدا خاص
تجھے خاصوں میں حق نے کر لیا خاص
تری نعمت کے سائل خاص تا عام
تری رحمت کے طالب عام تا خاص
شریک اُس میں نہیں کوئی پیمبر
خدا سے ہے تجھ کو واسطہ خاص
گنہگارو! نہ ہو مایوسِ رحمت
نہیں ہوتی کریموں کی عطا خاص
گدا ہوں خاص رحمت سے ملے بھیک
نہ میں خاص اور نہ میری اِلتجا خاص
ملا جو کچھ جسے وہ تم سے پایا
تمھیں ہو مالکِ مُلکِ خدا خاص
غریبوں بے نواؤں بے کسوں کو
خدا نے در تمہارا کر دیا خاص
جو کچھ پیدا ہوا دونوں جہاں میں
تصدق ہے تمہاری ذات کا خاص
تمہاری انجمن آرائیوں کو
ہوا ہنگامۂ قَالُوْا بَلٰی خاص
نبی ہم پایہ ہوں کیا تو نے پایا
نبوت کی طرح ہر معجزہ خاص
جو رکھتا ہے جمالِ مَنْ رَّاٰنِیْ
اُسی منہ کی صفت ہے وَالضُّحٰی خاص
نہ بھیجو اور دروازوں پر اِس کو
حسنؔ ہے آپ کے در کا گدا خاص
خدا کی خلق میں سب انبیا خاص
حالیہ پوسٹیں
- میں لب کشا نہیں ہوں اور محو التجا ہوں
- ترے دَر پہ ساجد ہیں شاہانِ عالم
- الٰہی تیری چوکھٹ پر بھکاری بن کے آیا ہوں
- سر تا بقدم ہے تن سلطان زمن پھول
- الصُّبْحُ بدَا مِنْ طَلْعَتِہ
- عشق کے رنگ میں رنگ جائیں جب افکار تو کھلتے ہیں
- اﷲ سے کیا پیار ہے عثمانِ غنی کا
- دشتِ مدینہ کی ہے عجب پُر بہار صبح
- نہ کہیں سے دُور ہیں مَنزلیں نہ کوئی قریب کی بات ہے
- چلو دیارِ نبی کی جانب درود لب پر سجا سجا کر
- نہیں خوش بخت محتاجانِ عالم میں کوئی ہم سا
- کیا مہکتے ہیں مہکنے والے
- اس کرم کا کروں شکر کیسے ادا جو کرم مجھ پہ میرے نبی کر دیا
- تو شاہِ خوباں، تو جانِ جاناں، ہے چہرہ اُم الکتاب تیرا
- صانع نے اِک باغ لگایا
- واہ کیا جود و کرم ہے شہ بطحا تیرا
- ہو ورد صبح و مسا لا الہ الا اللہ
- لو مدینے کی تجلی سے لگائے ہوئے ہیں
- لطف ان کا عام ہو ہی جائے گا
- حدودِ طائر سدرہ، حضور جانتے ہیں