خدا کی خلق میں سب انبیا خاص
گروہِ انبیا میں مصطفےٰ خاص
نرالا حُسنِ انداز و اَدا خاص
تجھے خاصوں میں حق نے کر لیا خاص
تری نعمت کے سائل خاص تا عام
تری رحمت کے طالب عام تا خاص
شریک اُس میں نہیں کوئی پیمبر
خدا سے ہے تجھ کو واسطہ خاص
گنہگارو! نہ ہو مایوسِ رحمت
نہیں ہوتی کریموں کی عطا خاص
گدا ہوں خاص رحمت سے ملے بھیک
نہ میں خاص اور نہ میری اِلتجا خاص
ملا جو کچھ جسے وہ تم سے پایا
تمھیں ہو مالکِ مُلکِ خدا خاص
غریبوں بے نواؤں بے کسوں کو
خدا نے در تمہارا کر دیا خاص
جو کچھ پیدا ہوا دونوں جہاں میں
تصدق ہے تمہاری ذات کا خاص
تمہاری انجمن آرائیوں کو
ہوا ہنگامۂ قَالُوْا بَلٰی خاص
نبی ہم پایہ ہوں کیا تو نے پایا
نبوت کی طرح ہر معجزہ خاص
جو رکھتا ہے جمالِ مَنْ رَّاٰنِیْ
اُسی منہ کی صفت ہے وَالضُّحٰی خاص
نہ بھیجو اور دروازوں پر اِس کو
حسنؔ ہے آپ کے در کا گدا خاص
خدا کی خلق میں سب انبیا خاص
حالیہ پوسٹیں
- رشکِ قمر ہوں رنگِ رخِ آفتاب ہوں
- اب میری نگاہوں میں جچتا نہیں کوئی
- تصور میں منظر عجیب آ رہا ہے
- بے اجازت اُس طرف نظریں اٹھا سکتا ہے کون
- کیا ہی ذوق افزا شفاعت ہے تمھاری واہ واہ
- نہ اِترائیں کیوں عاشقانِ محؐمد
- مثلِ شبّیر کوئی حق کا پرستار تو ہو
- مدینے کی ٹھنڈی ہواؤں پہ صدقے
- شمعِ دیں کی کیسے ہوسکتی ہے مدہم روشنی
- واہ کیا جود و کرم ہے شہ بطحا تیرا
- سلام اس ذاتِ اقدس پر سلام اس فخرِ دوراں پر
- وہی رب ہے جس نے تجھ کو ہمہ تن کرم بنایا
- کچھ نہیں مانگتا شاہوں سے یہ شیدا تیرا
- احمد کہُوں ک ہحامدِ یکتا کہُوں تجھے
- میں گدائے دیارِ نبی ہوں پوچھیئے میرے دامن میں کیا ہے
- رونقِ بزمِ جہاں ہیں عاشقانِ سوختہ
- نظر اک چمن سے دوچار ہے نہ چمن چمن بھی نثار ہے
- اے دینِ حق کے رہبر تم پر سلام ہر دم
- یہ رحمت نہیں ہے تو پھر اور کیا ہے
- اللہ دے حضور دی اے گل وکھری