دل دیاں اکھاں کدی کھول تے سہی

دل دیاں اکھاں کدی کھول تے سہی
دل دی زبان کدی بول تے سہی

سِر چان جوگا وی نہ رہ جائیں گا
عملاں نوں کدی آپوں تول تے سہی

رب تے رسول دونویں مل جان گے
دل والی نگری نوں پھول تے سہی

نرغہ شیطان دا اے ٹٹدا کیویں
پڑھ کے توں ویکھ لاحول تے سہی

ذکرِ نبی دی فیر ویکھ چاشنی
صحیح کر دل دا ماحول تے سہی

سوہنا کیویں بھردا اے جھولی تیری
حِرص دا سُٹ کشکول تے سہی

اپنی دعاواں وچ کر شامل
اشکاں دے موتی انمول تے سہی

مَلک حساب لینا بھل جان گے
نعت دے سناویں دو بول تے سہی

رب تے رسول دی رضا پان لئی
ہاواں وچ عجز نوں گھول تے سہی

محبؔوب دکھ تیرے مٹ جان گے
آقا اگے دکھڑے توں پھول تے سہی