رحمتِ حق ہے جلوہ فگن طیبہ کے بازاروں میں
مہک رچی ہے جنت کی اسکے پاک نظاروں میں
جن کا ہر دم یاد میں تیری کھویا کھویا گزرے ہے
مجھے بھی آقا شامل کر لو دید کے ان بیماروں میں
چاند کی چاندی دن کا اجالا صلیِ علیٰ کا صدقہ ہے
نورِ محؐمد کی ہی ضیاء ہے عرشِ بریں کے تاروں میں
شانِ محؐمد شانِ خدا ہے آپکی مانند کون ہوا ہے
سب سے بر تر سب سے اعلیٰ قدرت کے شاہکاروں میں
انکی عظمت انکی شوکت کون بتائے کیسے بتائے
انکے خادم انکے درباں رب کے خاص پیاروں میں
محبؔوب کمینہ کیونکر آقا تیری نظر سے گزرے گا
غوث قطب ابدال ولی سب طیبہ کے مے خواروں میں
رحمتِ حق ہے جلوہ فگن طیبہ کے بازاروں میں
حالیہ پوسٹیں
- محمد مظہر کامل ہے حق کی شان عزت کا
- معراج کی شب سدرہ سے وریٰ تھا اللہ اور محبوبِ الہٰ
- لطف ان کا عام ہو ہی جائے گا
- کعبے پہ پڑی جب پہلی نظر، کیا چیز ہے دنیا بھول گیا
- تمہارا نام مصیبت میں جب لیا ہو گا
- سلام اس ذاتِ اقدس پر سلام اس فخرِ دوراں پر
- چمن دلوں کے کھلانا، حضور جانتے ہیں
- دمِ حشر جب نہ کسی کو بھی تیرے بن ملے گی امان بھی
- ہے پاک رُتبہ فکر سے اُس بے نیاز کا
- جا زندگی مدینے سے جھونکے ہوا کے لا
- سرکار دو عالم کے رخ پرانوار کا عالم کیا ہوگا
- نور کس کا ہے چاند تاروں میں
- خدا کی خلق میں سب انبیا خاص
- ایمان ہے قال مصطفائی
- غم ہو گئے بے شمار آقا
- کوئی تو ہے جو نظامِ ہستی چلا رہا ہے ، وہی خدا ہے
- خدا کی قسم آپ جیسا حسیں
- نہ زر نہ ہی جاہ و حشم کی طلب ہے
- دل میں ہو یاد تیری گوشہ تنہائی ہو
- خدا کی خلق میں سب انبیا خاص