طیبہ سارے جگ توں جدا سوھنیا
طیبہ وچ مینوں وی وسا سوھنیا
نور دیاں جتھے برساتاں ہوندیاں
سب راتاں جتھے شب راتاں ہوندیاں
مینوں اوس در تے بلا سوھنیا
طیبہ وچ مینوں وی وسا سوھنیا
تیرے جیہا رب نے بنایا کوئی ناں
طیبہ جیہا بلد وسایا کوئی ناں
پاندا ایتھے جھاتیاں خدا سوھنیا
طیبہ وچ مینوں وی وسا سوھنیا
عشقے دی ہونِدیاں جدا رسماں
طیبہ دیاں کھاندا اے خدا قسماں
عشق وچ ہر شے روا سوھنیا
طیبہ وچ مینوں وی وسا سوھنیا
طیبہ وچ روضے دی ایہہ وکھری ای شان
رحمتاں لٹاندا رج رب رحمان
سارا جگ تیرا اے گدا سوھنیا
طیبہ وچ مینوں وی وسا سوھنیا
تک کے نظارے دل رجدا نیئیں
اکھاں وچ ہور کج جچدا نیئیں
طیبہ سارے جگ توں سِوا سوھنیا
طیبہ وچ مینوں وی وسا سوھنیا
حجر وچھوڑیاں وچ نین سِکدے
میریاں نصیباں وچ ہن لکھ دے
ٹھنڈی مٹھی طیبہ دی ہوا سوھنیا
طیبہ وچ مینوں وی وسا سوھنیا
خورے کدوں رک جان آندے جاندے ساہ
زندگی ادھاری نیئیں پل دا وساہ
میرے اتے کرم کما سوھنیا
طیبہ وچ مینوں وی وسا سوھنیا
پلے کوئی عمل نہ منگنے دا چج
کالی کالی کملی وچ آقا مینوں کج
رب دے عذاب توں بچا سوھنیا
طیبہ وچ مینوں وی وسا سوھنیا
جنڈری اَولّڑا اے روگ لا لیا
گل وچ طیبہ دا اے جوگ پا لیا
دید تیری میری اے دوا سوھنیا
طیبہ وچ مینوں وی وسا سوھنیا
طیبہ سارے جگ توں جدا سوھنیا
حالیہ پوسٹیں
- نارِ دوزخ کو چمن کردے بہارِ عارض
- اﷲ سے کیا پیار ہے عثمانِ غنی کا
- زمیں میلی نہیں ہوتی زمن میلا نہیں ہوتا
- رب کی بخشش مل جائیگی عاصیو اتنا کام کرو
- تسکینِ دل و جاں ہیں طیبہ کے نظارے بھی
- مجھ پہ بھی میرے آقا گر تیرا کرم ہووے
- پھر کے گلی گلی تباہ ٹھوکریں سب کی کھائے کیوں
- عرشِ حق ہے مسندِ رفعت رسولُ اللہ کی
- دل میں ہو یاد تری گوشۂ تنہائی ہو
- منظر فضائے دہر میں سارا علی کا ہے
- میرا تو سب کچھ میرا نبی ہے
- قربان میں اُن کی بخشش کے مقصد بھی زباں پر آیا نہیں
- غم ہو گئے بے شمار آقا
- پھر دل میں بہاراں کے آثار نظر آئے
- احمد کہُوں ک ہحامدِ یکتا کہُوں تجھے
- لو مدینے کی تجلی سے لگائے ہوئے ہیں
- دل خون کے آنسو روتا ہے اے چارہ گرو کچھ مدد کرو
- میری زندگی کا تجھ سے یہ نظام چل رہا ہے
- مدینہ سامنے ہے بس ابھی پہنچا میں دم بھر میں
- خزاں کی شام کو صبحِ بہار تُو نے کیا