زمیں میلی نہیں ہوتی زمن میلا نہیں ہوتا
محمد کے غلاموں کا کفن میلا نہیں ہوتا
محبت کملی والے سے وہ جذبہ ہے سنو لوگو
یہ جس من میں سما جائے وہ من میلا نہیں ہوتا
گُلوں کو چوم لیتے ہیں سحر نم شبنمی قطرے
نبی کی نعت سن لے تو چمن میلا نہیں ہوتا
خرامِ ناز سے گزریں میرے آقا جدھر سے بھی
وہ بستی نور ہو جائے وہ بن میلا نہیں ہوتا
جو نامِ مصطفی چومے نہیں دُکھتی کبھی آنکھیں
پہن لے پیار جو اُن کا بدن میلا نہیں ہوتا
نبی کے پاک لنگر پر جو پلتے ہیں کبھی ان کی
زباں میلی نہیں ہوتی سخن میلا نہیں ہوتا
نبی کا دامنِ رحمت پکڑلو اے جہاں والو
رہے جب تک یہ ہاتھوں میں چلن میلانہیں ہوتا
تجوری میں جو رکھا ہو سیاہی آہی جاتی ہے
بٹے جو نام پراُن کے وہ دھن میلانہیں ہوتا
میں نازاں تو نہیں فن پر مگر ناصرؔ یہ دعویٰ ہے
ثناءِ مصطفی کرنے سے فن میلا نہیں ہوتا
زمیں میلی نہیں ہوتی زمن میلا نہیں ہوتا
حالیہ پوسٹیں
- یادِ وطن ستم کیا دشتِ حرم سے لائی کیوں
- ترے دَر پہ ساجد ہیں شاہانِ عالم
- مدینہ سامنے ہے بس ابھی پہنچا میں دم بھر میں
- سر محشر شفاعت کے طلب گاروں میں ہم بھی ہیں
- چلو دیارِ نبی کی جانب درود لب پر سجا سجا کر
- روک لیتی ہے آپ کی نسبت تیر جتنے بھی ہم پہ چلتے ہیں
- جانبِ مغرب وہ چمکا آفتاب
- بڑی اُمید ہے سرکاؐر قدموں میں بلائیں گے
- سرکار یہ نام تمھارا سب ناموں سے ہے پیارا
- پھر کے گلی گلی تباہ ٹھوکریں سب کی کھائے کیوں
- طیبہ نگری کی گلیوں میں دل کی حالت مت پوچھو
- طرب انگیز ہے راحت فزا ہے کیف ساماں ہے
- میرا تو سب کچھ میرا نبی ہے
- نہ اِترائیں کیوں عاشقانِ محؐمد
- میرے مولا کرم کر دے
- نہیں خوش بخت محتاجانِ عالم میں کوئی ہم سا
- بس میرا ماہی صل علیٰ
- نبی سَروَرِ ہر رسول و ولی ہے
- سب سے اولیٰ و اعلیٰ ہمارا نبی
- ہے پاک رُتبہ فکر سے اُس بے نیاز کا