تُو کجا من کجا , تُو کجا من کجا
تُو امیر حرم، تُو امیر حرم، میں فقیر عجم
تیرے گل اور یہ لب، میں طلب ہی طلب
تُو عطا ہی عطا، تُو کجا من کجا
تُو ابد آفریں میں ہوں دو چار پل
تُو ابد آفریں میں ہوں دو چار پل
تُو یقیں میں گماں میں سخن تُو عمل
تُو ہے معصومیت میں میری معصیت
تُو کرم میں خطا، تُو کجا من کجا
تُو ہے احرامِ انوار باندھے ہوئے
تُو ہے احرامِ انوار باندھے ہوئے
میں درودوں کی دستار باندھے ہوئے
تابۂ عشق تُو میں تیرے چار سو
تُو اثر میں دعا، تُو کجا من کجا
تُو حقیقت ہے، میں صرف احساس ہوں
تُو حقیقت ہے، میں صرف احساس ہوں
تُو سمندر میں بھٹکی ہوئی پیاس ہوں
میرا گھر خاک پر اور تیری رہ گزر
سدرة المنتہیٰ، تُو کجا من کجا
میرا ہر سانس تو خوں نچوڑے میرا
تیری رحمت مگر دل نہ توڑے میرا
کاسۂ ذات تُو تیری خیرات ہوں
تو سخی میں گدا، تُو کجا من کجا
ڈگمگاؤں جو حالات کے سامنے
آئے تیرا تصور مجھے تھامنے
میری خوش قسمتی میں تیرا امتی
تُو جزا میں رضا، تُو کجا منکجا
میرا ملبوس ہے پردہ پوشی تیری
میرا ملبوس ہے پردہ پوشی تیری
مجھ کو تابِ سخن دے خموشی تیری
تُو جلی میں خفی تُو عقل میں نفی
تُو صلہ میں گلا، تُو کجا من کجا
دوریاں سامنے سے جو ہٹنے لگیں
دوریاں سامنے سے جو ہٹنے لگیں
جالیوں سے نگاہیں لپٹنے لگیں
آنسوؤں کی زباں ہوں میری ترجماں
دل سے نکلے صدا، تُو کجا من کجا
تو امیر حرم میں فقیر عجم
تیرے گل اور یہ لب میں طلب ہی طلب
تو عطا ہی عطا، تُو کجا من کجا
تُو کجا من کجا
حالیہ پوسٹیں
- Haajiyo Aawo shahenshah ka roza dekho
- کیا ٹھیک ہو رُخِ نبوی پر مثالِ گل
- پیشِ حق مژدہ شفاعت کا سناتے جائیں گے
- طوبےٰ میں جو سب سے اونچی نازک سیدھی نکلی شاخ
- مئے حُبِّ نبی سے جس کا دل سرشار ہو جائے
- خوشی سب ہی مناتے ہیں میرے سرکار آتے ہیں
- جنہاں نوں اے نسبت او تھاواں تے ویکھو
- لحد میں عشقِ رُخِ شہ کا داغ لے کے چلے
- مجھ کو طیبہ میں بلا لو شاہ زمنی
- پھر کے گلی گلی تباہ ٹھوکریں سب کی کھائے کیوں
- تیری جالیوں کے نیچے تیری رحمتوں کے سائے
- لو مدینے کی تجلی سے لگائے ہوئے ہیں
- فضلِ رَبّْ العْلیٰ اور کیا چاہیے
- مصطفیٰ جان ِ رحمت پہ لاکھوں سلام
- اُسی کا حکم جاری ہے زمینوں آسمانوں میں
- احمد کہُوں ک ہحامدِ یکتا کہُوں تجھے
- آمنہ بی بی کے گلشن میں آئی ہے تازہ بہار
- کیا مہکتے ہیں مہکنے والے
- کہتے ہیں عدی بن مسافر
- فلک کے نظارو زمیں کی بہارو سب عیدیں مناؤ حضور آ گئے ہیں