خدا کی خلق میں سب انبیا خاص
گروہِ انبیا میں مصطفےٰ خاص
نرالا حُسنِ انداز و اَدا خاص
تجھے خاصوں میں حق نے کر لیا خاص
تری نعمت کے سائل خاص تا عام
تری رحمت کے طالب عام تا خاص
شریک اُس میں نہیں کوئی پیمبر
خدا سے ہے تجھ کو واسطہ خاص
گنہگارو! نہ ہو مایوسِ رحمت
نہیں ہوتی کریموں کی عطا خاص
گدا ہوں خاص رحمت سے ملے بھیک
نہ میں خاص اور نہ میری اِلتجا خاص
ملا جو کچھ جسے وہ تم سے پایا
تمھیں ہو مالکِ مُلکِ خدا خاص
غریبوں بے نواؤں بے کسوں کو
خدا نے در تمہارا کر دیا خاص
جو کچھ پیدا ہوا دونوں جہاں میں
تصدق ہے تمہاری ذات کا خاص
تمہاری انجمن آرائیوں کو
ہوا ہنگامۂ قَالُوْا بَلٰی خاص
نبی ہم پایہ ہوں کیا تو نے پایا
نبوت کی طرح ہر معجزہ خاص
جو رکھتا ہے جمالِ مَنْ رَّاٰنِیْ
اُسی منہ کی صفت ہے وَالضُّحٰی خاص
نہ بھیجو اور دروازوں پر اِس کو
حسنؔ ہے آپ کے در کا گدا خاص
خدا کی خلق میں سب انبیا خاص
حالیہ پوسٹیں
- ہے کلام ِ الٰہی میں شمس و ضحٰے
- رشک کیوں نہ کروں انکی قسمت پہ میں
- گنج بخش فض عالم مظہرِ نور خدا
- غم ہو گئے بے شمار آقا
- میرے نبی پیارے نبی ؑ ہے مرتبہ بالا تیرا
- عاصیوں کو دَر تمہارا مل گیا
- نامِ نبیؐ تو وردِ زباں ہے ناؤ مگر منجدھار میں ہے
- اٹھا دو پردہ دِکھا دو چہرہ، کہ نور باری حجاب میں ہے
- کرے مدحِ شہِ والا، کہاں انساں میں طاقت ہے
- مرا پیمبر عظیم تر ہے
- ہر دم تیری باتیں کرنا اچھا لگتا ہے
- صدائیں درودوں کی آتی رہیں گی میرا سن کے دل شاد ہوتا رہے گا
- یا نبی نظری کرم فرمانا ، یا نبی نظر کرم فرمانا ،
- کبھی خزاں کبھی فصلِ بہار دیتا ہے
- یا محمد ہے سارا جہاں آپ کا
- سحابِ رحمتِ باری ہے بارھویں تاریخ
- اے دینِ حق کے رہبر تم پر سلام ہر دم
- ہو اگر مدحِ کفِ پا سے منور کاغذ
- عشقِ مولیٰ میں ہو خوں بار کنارِ دامن
- آج اشک میرے نعت سنائیں تو عجب کیا