زہے عزت و اعتلائے محمد
کہ ہے عرش حق زیر پائے محمد
مکاں عرش ان کا فلک فرش ان کا
ملک خادمان سرائے محمد
خدا کی رضا چاہتے ہیں دو عالم
خدا چاہتا ہے رضائے محمد
عجب کیا اگر رحم فرما لے ہم پر
خدائے محمد برائے محمد
محمد برائے جناب الٰہی
جناب الٰہی برائے محمد
بسی عطر محبوبی کبریا سے
عبائے محمد قبائے محمد
بہم عہد باندھے ہیں وصل ابد کا
رضائے خدا اور رضائے محمد
دم نزع جاری ہو میری زباں پر
محمد محمد خدائے محمد
عصائے کلیم اژدہائے غضب تھا
گروں کا سہارا عصائے محمد
میں قربان کیا پیاری پیاری ہے نسبت
یہ آنِ خدا وہ خدائے محمد
محمد کا دم خاص بہرِ خدا ہے
سوائے محمد برائے محمد
خدا اُن کو کس پیار سے دیکھتا ہے
جو آنکھیں ہیں محوِ لقائے محمد
جلو میں اجابت خواصی میں رحمت
بڑھی کس تزک سے دعائے محمد
اجابت نے جھک کر گلے سے لگایا
بڑھی ناز سے جب دعائے محمد
اجابت کا سہرا عنایت کا جوڑا
دلہن بن کے نکلی دعائے محمد
رضا پل سے اب وجد کرتے گزریے
کہ ہے رب سلم صدائے محمد
زہے عزت و اعتلائے محمد
حالیہ پوسٹیں
- تو شمع رسالت ہے عالم تیرا پروانہ
- یہ رحمت نہیں ہے تو پھر اور کیا ہے
- رونقِ بزمِ جہاں ہیں عاشقانِ سوختہ
- یا نبی نظرِ کرم فرمانا اے حسنین کے نانا
- ان کی مہک نے دل کے غنچے کھلا دیئے ہیں
- جس نے مدینے جانڑاں کر لو تیاریاں
- آکھیں سونہڑے نوں وائے نی جے تیرا گزر ہو وے
- عاصیوں کو دَر تمہارا مل گیا
- تم پر میں لاکھ جان سے قربان یا رسول
- شبنم میں شراروں میں گلشن کی بہاروں میں
- سب دواروں سے بڑا شاہا دوارا تیرا
- یہ کہتی تھی گھر گھر میں جا کر حلیمہ
- جو ہر شے کی حقیقت ہے جو پنہاں ہے حقیقت میں
- تسکینِ دل و جاں ہیں طیبہ کے نظارے بھی
- منظر فضائے دہر میں سارا علی کا ہے
- صدائیں درودوں کی آتی رہیں گی میرا سن کے دل شاد ہوتا رہے گا
- طیبہ سارے جگ توں جدا سوھنیا
- اے سبز گنبد والے منظور دعا کرنا
- حدودِ طائر سدرہ، حضور جانتے ہیں
- شجرہ نصب نبی اکرم محمد صلی اللہ وسلم