طیبہ سارے جگ توں جدا سوھنیا
طیبہ وچ مینوں وی وسا سوھنیا
نور دیاں جتھے برساتاں ہوندیاں
سب راتاں جتھے شب راتاں ہوندیاں
مینوں اوس در تے بلا سوھنیا
طیبہ وچ مینوں وی وسا سوھنیا
تیرے جیہا رب نے بنایا کوئی ناں
طیبہ جیہا بلد وسایا کوئی ناں
پاندا ایتھے جھاتیاں خدا سوھنیا
طیبہ وچ مینوں وی وسا سوھنیا
عشقے دی ہونِدیاں جدا رسماں
طیبہ دیاں کھاندا اے خدا قسماں
عشق وچ ہر شے روا سوھنیا
طیبہ وچ مینوں وی وسا سوھنیا
طیبہ وچ روضے دی ایہہ وکھری ای شان
رحمتاں لٹاندا رج رب رحمان
سارا جگ تیرا اے گدا سوھنیا
طیبہ وچ مینوں وی وسا سوھنیا
تک کے نظارے دل رجدا نیئیں
اکھاں وچ ہور کج جچدا نیئیں
طیبہ سارے جگ توں سِوا سوھنیا
طیبہ وچ مینوں وی وسا سوھنیا
حجر وچھوڑیاں وچ نین سِکدے
میریاں نصیباں وچ ہن لکھ دے
ٹھنڈی مٹھی طیبہ دی ہوا سوھنیا
طیبہ وچ مینوں وی وسا سوھنیا
خورے کدوں رک جان آندے جاندے ساہ
زندگی ادھاری نیئیں پل دا وساہ
میرے اتے کرم کما سوھنیا
طیبہ وچ مینوں وی وسا سوھنیا
پلے کوئی عمل نہ منگنے دا چج
کالی کالی کملی وچ آقا مینوں کج
رب دے عذاب توں بچا سوھنیا
طیبہ وچ مینوں وی وسا سوھنیا
جنڈری اَولّڑا اے روگ لا لیا
گل وچ طیبہ دا اے جوگ پا لیا
دید تیری میری اے دوا سوھنیا
طیبہ وچ مینوں وی وسا سوھنیا
طیبہ سارے جگ توں جدا سوھنیا
حالیہ پوسٹیں
- کبھی ان کی خدمت میں جا کے تودیکھو
- مجھ پہ بھی میرے آقا گر تیرا کرم ہووے
- بیاں ہو کس زباں سے مرتبہ صدیق اکبر کا
- صبح طیبہ میں ہوئی بٹتا ہے باڑا نور کا
- حمدِ خدا میں کیا کروں
- سنتے ہیں کہ محشر میں صرف اُن کی رسائی ہے
- سچ کہواں رب دا جہان بڑا سوھنا اے
- دمِ حشر جب نہ کسی کو بھی تیرے بن ملے گی امان بھی
- عاصیوں کو دَر تمہارا مل گیا
- اللہ دے حضور دی اے گل وکھری
- یا رب میری آہوں میں اثرہے کہ نہیں ہے
- اُجالی رات ہوگی اور میدانِ قُبا ہوگا
- تو ہے وہ غوث کہ ہر غوث ہے شیدا تیرا
- عرشِ حق ہے مسندِ رفعت رسولُ اللہ کی
- گزرے جس راہ سے وہ سیدِ والا ہو کر
- الٰہی تیری چوکھٹ پر بھکاری بن کے آیا ہوں
- خدا کی خلق میں سب انبیا خاص
- وہ یوں تشریف لائے ہم گنہ گاروں کے جھرمٹ میں
- نازشِ کون ومکاں ہے سنتِ خیرالوری
- یہ سینہ اور یہ دل دوسرا معلوم ہوتا ہے