طیبہ سارے جگ توں جدا سوھنیا
طیبہ وچ مینوں وی وسا سوھنیا
نور دیاں جتھے برساتاں ہوندیاں
سب راتاں جتھے شب راتاں ہوندیاں
مینوں اوس در تے بلا سوھنیا
طیبہ وچ مینوں وی وسا سوھنیا
تیرے جیہا رب نے بنایا کوئی ناں
طیبہ جیہا بلد وسایا کوئی ناں
پاندا ایتھے جھاتیاں خدا سوھنیا
طیبہ وچ مینوں وی وسا سوھنیا
عشقے دی ہونِدیاں جدا رسماں
طیبہ دیاں کھاندا اے خدا قسماں
عشق وچ ہر شے روا سوھنیا
طیبہ وچ مینوں وی وسا سوھنیا
طیبہ وچ روضے دی ایہہ وکھری ای شان
رحمتاں لٹاندا رج رب رحمان
سارا جگ تیرا اے گدا سوھنیا
طیبہ وچ مینوں وی وسا سوھنیا
تک کے نظارے دل رجدا نیئیں
اکھاں وچ ہور کج جچدا نیئیں
طیبہ سارے جگ توں سِوا سوھنیا
طیبہ وچ مینوں وی وسا سوھنیا
حجر وچھوڑیاں وچ نین سِکدے
میریاں نصیباں وچ ہن لکھ دے
ٹھنڈی مٹھی طیبہ دی ہوا سوھنیا
طیبہ وچ مینوں وی وسا سوھنیا
خورے کدوں رک جان آندے جاندے ساہ
زندگی ادھاری نیئیں پل دا وساہ
میرے اتے کرم کما سوھنیا
طیبہ وچ مینوں وی وسا سوھنیا
پلے کوئی عمل نہ منگنے دا چج
کالی کالی کملی وچ آقا مینوں کج
رب دے عذاب توں بچا سوھنیا
طیبہ وچ مینوں وی وسا سوھنیا
جنڈری اَولّڑا اے روگ لا لیا
گل وچ طیبہ دا اے جوگ پا لیا
دید تیری میری اے دوا سوھنیا
طیبہ وچ مینوں وی وسا سوھنیا
طیبہ سارے جگ توں جدا سوھنیا
حالیہ پوسٹیں
- نہ زر نہ ہی جاہ و حشم کی طلب ہے
- ﺍﭘﻨﮯ ﺩﺍﻣﺎﻥ ﺷﻔﺎﻋﺖ ﻣﯿﮟ ﭼﮭﭙﺎﺋﮯ ﺭﮐﮭﻨﺎ
- افکار کی لذت کیا کہنا جذبات کا عالم کیا کہنا
- تیری جالیوں کے نیچے تیری رحمتوں کے سائے
- بڑی مشکل یہ ہے جب لب پہ تیرا ذکر آتا ہے
- تلو مونی علی ذنب عظیم
- سرکار دو عالم کے رخ پرانوار کا عالم کیا ہوگا
- کیوں کرہم اہلِ دل نہ ہوں دیوانۂ رسولؐ
- رکتا نہیں ہرگز وہ اِدھر باغِ ارم سے
- نہ آسمان کو یوں سر کشیدہ ہونا تھا
- تو شمع رسالت ہے عالم تیرا پروانہ
- کوئی تو ہے جو نظامِ ہستی چلا رہا ہے ، وہی خدا ہے
- دلوں کی ہے تسکیں دیارِ مدینہ
- سب سے اولیٰ و اعلیٰ ہمارا نبی
- میری زندگی کا تجھ سے یہ نظام چل رہا ہے
- اے کہ ترے جلال سے ہل گئی بزمِ کافری
- احمد کہُوں ک ہحامدِ یکتا کہُوں تجھے
- شاہِ کونین کی ہر ادا نور ہے
- یہ دنیا اک سمندر ہے مگر ساحل مدینہ ہے
- فلک کے نظارو زمیں کی بہارو سب عیدیں مناؤ حضور آ گئے ہیں