عرشِ حق ہے مسندِ رفعت رسولُ اللہ کی
دیکھنی ہے حشر میں عزت رسولُ اللہ کی
قبر میں لہرائیں گے تا حشر چشمے نور کے
جلو فرما ہوگی جب طلعت رسول ُاللہ کے
کافروں پر تیغ والا سے گری برقِ غضب
ابر آسا چھاگئی ہیبت رسول ُاللہ کی
لاَ وَ رَبِّ اَلعَرش جس کو جو ملا اُن سے ملا
بٹتی ہے کونین میں نعمت رسولُ اللہ کی
وہ جہنم میں گیا جو اُن سے مستغنی ہوا
ہے خلیل اللہ کو حاجت رسولُ اللہ کی
سورج الٹے پاؤں پلٹے چاند اشارے سے ہو چاک
اندھے نجدی دیکھ لے قدرت رسولُ اللہ کی
تجھ سے اور جنت سے کیا مطلب وہابی دور ہو
ہم رسول اللہ کے جنت رسولُ اللہ کی
نجدی اُس نے تجھ کو مہلت دی کہ اِس عالَم میں ہے
کافر و مرتد پہ بھی رحمت رسول ُاللہ کی
ہم بھکاری وہ کریم ، اُن کا خدا اُن سے فزوں
اور نا کہنا نہیں عادت رسول ُاللہ کی
اہلِ سنّت کا ہے بیڑا پار اصحابِ حضور
نجم ہیں اور ناؤ ہے عترت رسولُ اللہ کی
خاک ہو کر عشق میں آرام سے سونا ملا
جان کی اکسیر ہے الفت رسولُ اللہ کی
ٹوٹ جائیں گے گنہ گاروں کے فوراً قید و بند
حشر کو کھل جائے گی طاقت رسولُ اللہ کی
یارب اک ساعت میں دُھل جائیں سیہ کاروں کے جرم
جوش میں آجائے اب رحمت رسولُ اللہ کی
ہے گُلِ باغِ قدس رخسار زیبائے حضور
سروِ گلزارِ قِدم قامت رسولُ اللہ کی
اے رضا خود صاحبِ قرآں ہے مدّاحِ حضور
تجھ سے کب ممکن ہے پھر مدحت رسولُ اللہ کی
عرشِ حق ہے مسندِ رفعت رسولُ اللہ کی
عرشِ حق ہے مسندِ رفعت رسولُ اللہ کی
حالیہ پوسٹیں
- دمِ آخر الہیٰ جلوۂِ سرکار ہو جائے
- رشکِ قمر ہوں رنگِ رخِ آفتاب ہوں
- ذاتِ والا پہ بار بار درود
- آئینہ بھی آئینے میں منظر بھی اُسی کا
- ہر وقت تصور میں مدینے کی گلی ہو
- طیبہ والا جدوں دا دیار چھٹیا
- حبیب خدا کا نظارہ کروں میں دل و جان ان پر نثارا کروں میں
- اُسی کا حکم جاری ہے زمینوں آسمانوں میں
- شاہِ کونین کی ہر ادا نور ہے
- میرے مولا کرم ہو کرم
- واہ کیا جود و کرم ہے شہ بطحا تیرا
- ہر لب پہ ہے تیری ثنا ، ہر بزم میں چرچا ترا
- اللہ دے حضور دی اے گل وکھری
- تنم فرسودہ، جاں پارہ ز ہجراں، یا رسول اللہ ۖ
- سب سے افضل سب سے اعظم
- سلام اس ذاتِ اقدس پر سلام اس فخرِ دوراں پر
- تو ہے وہ غوث کہ ہر غوث ہے شیدا تیرا
- مدینہ سامنے ہے بس ابھی پہنچا میں دم بھر میں
- کس نے غنچوں کو نازکی بخشی
- آرزو ہے میری یامحمد موت آئے تو اس طرح آئے