ہر وقت تصور میں مدینے کی گلی ہو
اور یاد محمد کی میرے دل میں بسی ہو
دو سوز بلال آقا ملے درد رضا سا
سرکار عطا عشق اویس قرنی ہو
اے کاش ! میں بن جاؤں مدینے کا مسافر
پھر روتی ہوئی طیبہ کو بارات چلی ہو
پھر رحمت باری سے چلوں سوئے مدینہ
اے کاش ! مقدر سے میسر وہ گھڑی ہو
جب آؤں مدینے میں تو ہو چاک گریباں
آنکھوں سے برستی ہوئی اشکوں کی جھڑی ہو
جب لے کے چلو گور غریباں کو جنازہ
کچھ خاک مدینے کی میرے منہ پہ سجی ہو
جس وقت نکیرین میری قبر میں آئیں
اس وقت میرے لب پہ سجی نعت نبی ہو
اللہ ! کرم ایسا کرے تجھ پر جہاں میں
اے دعوت اسلامی تیری دھوم مچی ہو
آقا کا گدا ہوں اے جہنم تو بھی سن لے
وہ کیسے جلے جو کہ غلام مدنی ہو
صدقہ میرے مرشد کا کرو دور بلائیں
پورا میرا سرکار ہر ارمان دلی ہو
اللہ کی رحمت سے تو جنت ہی ملے گی
اے کاش ! محلے میں جگہ ان کے ملی ہو
محفوظ سدا رکھنا شہا بے ادبوں سے
اور مجھ سے بھی سرزد نہ کبھی بے ادبی ہو
عطار ہمارا ہے سر حشر اسے کاش
دست شہ بطحہ سے یہی چٹھی ملی ہو
اے کاش ! مدینے میں مجھے موت یوں آئے
قدموں میں تیرے سر ہو میری روح چلی ہو
ہر وقت تصور میں مدینے کی گلی ہو
حالیہ پوسٹیں
- گلزارِ مدینہ صلِّ علیٰ،رحمت کی گھٹا سبحان اللّٰٰہ
- کچھ غم نہیں اگرچہ زمانہ ہو بر خلاف
- جذب و جنوں میں انکی بابت جانے کیا کیا بول گیا
- وجہِ تخلیقِ دو عالم، عالم آرا ہو گیا
- طوبےٰ میں جو سب سے اونچی نازک سیدھی نکلی شاخ
- حبیب خدا کا نظارہ کروں میں دل و جان ان پر نثارا کروں میں
- دل میں ہو یاد تری گوشۂ تنہائی ہو
- تُو کجا من کجا
- رب دیاں رحمتاں لٹائی رکھدے
- اگر چمکا مقدر خاک پاے رہرواں ہو کر
- تیرا کھاواں میں تیرے گیت گاواں یارسول اللہ
- بندہ قادر کا بھی قادر بھی ہے عبدالقادر
- اے عشقِ نبی میرے دل میں بھی سما جانا
- پل سے اتارو ، راہ گزر کو خبر نہ ہو
- کعبے کی رونق کعبے کا منظر، اللہ اکبر اللہ اکبر
- مبارک ہو وہ شہ پردہ سے باہر آنے والا ہے
- نامِ نبیؐ تو وردِ زباں ہے ناؤ مگر منجدھار میں ہے
- اپنی نسبت سے میں کچھ نہیں ہوں، اس کرم کی بدولت بڑا ہوں
- انکی مدحت کرتے ہیں
- دمِ حشر جب نہ کسی کو بھی تیرے بن ملے گی امان بھی