خلق کے سرور شافع محشر صلی اللہ علیہ وسلم
مرسل داور خاص پیمبر صلی اللہ علیہ وسلم
نورمجسم، نیّر اعظم، سرور عالم، مونسِ آدم
نوح کے ہمدم، خضر کے رہبر، صلی اللہ علیہ وسلم
فخر جہاں ہیں، عرش مکاں ہیں، شاہ شہاں ہیں، سیف زباں ہیں
سب پہ عیاں ہیں آپ کے جوہر، صلی اللہ علیہ وسلم
قبلہء عالم، کعبہ اعظم، سب سے مقدم راز کے محرم
جان مجسم، روح مصور، صلی اللہ علیہ وسلم
دولتِ دنیا خاک برابر، ہاتھ کے خالی دل کے تونگر
مالک کشور تخت نہ افسر، صلی اللہ علیہ وسلم
رہبر موسیٰ، ہادیء عیسٰی ، تارک دنیا، مالک عقبٰی
ہاتھ کا تکیہ، خاک کا بستر، صلی اللہ علیہ وسلم
سروخراماں، چہرہ گلستاں، جبہ تاباں، مہر درخشاں
سنبل پیچاں، زلف معنبر ، صلی اللہ علیہ وسلم
مہر سے مملو ریشہ ریشہ، نعت امیر اپنا ہے پیشہ
ورد ہمیشہ رہتا ہے لب پر ، صلی اللہ علیہ وسلم
(امیر مینائی رحمتہ اللہ علیہ)
خلق کے سرور شافع محشر صلی اللہ علیہ وسلم
حالیہ پوسٹیں
- آہ جاتی ہے فلک پر رحم لانے کے لئے
- عارضِ شمس و قمر سے بھی ہیں انور ایڑیاں
- کہو صبا سے کہ میرا سلام لے جائے
- نارِ دوزخ کو چمن کر دے بہارِ عارض
- دمِ آخر الہیٰ جلوۂِ سرکار ہو جائے
- آئینہ بھی آئینے میں منظر بھی اُسی کا
- اے حبِّ وطن ساتھ نہ یوں سوے نجف جا
- کون کہتا ہے کہ زینت خلد کی اچھی نہیں
- ہو اگر مدحِ کفِ پا سے منور کاغذ
- تلو مونی علی ذنب عظیم
- نہ پوچھو کہ کیا ہیں ہمارے محمدؐ
- ہم خاک ہیں اور خاک ہی ماوا ہے ہمارا
- طیبہ نگری کی گلیوں میں دل کی حالت مت پوچھو
- یہ کس نے پکارا محمد محمد بڑا لطف آیا سویرے سویرے
- سارے نبیوں کے عہدے بڑے ہیں لیکن آقا کا منصب جدا ہے
- طیبہ سارے جگ توں جدا سوھنیا
- نہ آسمان کو یوں سرکشیدہ ہونا تھا
- مصطفیٰ جان ِ رحمت پہ لاکھوں سلام
- سلام اس ذاتِ اقدس پر سلام اس فخرِ دوراں پر
- سر محشر شفاعت کے طلب گاروں میں ہم بھی ہیں