خلق کے سرور شافع محشر صلی اللہ علیہ وسلم
مرسل داور خاص پیمبر صلی اللہ علیہ وسلم
نورمجسم، نیّر اعظم، سرور عالم، مونسِ آدم
نوح کے ہمدم، خضر کے رہبر، صلی اللہ علیہ وسلم
فخر جہاں ہیں، عرش مکاں ہیں، شاہ شہاں ہیں، سیف زباں ہیں
سب پہ عیاں ہیں آپ کے جوہر، صلی اللہ علیہ وسلم
قبلہء عالم، کعبہ اعظم، سب سے مقدم راز کے محرم
جان مجسم، روح مصور، صلی اللہ علیہ وسلم
دولتِ دنیا خاک برابر، ہاتھ کے خالی دل کے تونگر
مالک کشور تخت نہ افسر، صلی اللہ علیہ وسلم
رہبر موسیٰ، ہادیء عیسٰی ، تارک دنیا، مالک عقبٰی
ہاتھ کا تکیہ، خاک کا بستر، صلی اللہ علیہ وسلم
سروخراماں، چہرہ گلستاں، جبہ تاباں، مہر درخشاں
سنبل پیچاں، زلف معنبر ، صلی اللہ علیہ وسلم
مہر سے مملو ریشہ ریشہ، نعت امیر اپنا ہے پیشہ
ورد ہمیشہ رہتا ہے لب پر ، صلی اللہ علیہ وسلم
(امیر مینائی رحمتہ اللہ علیہ)

خلق کے سرور شافع محشر صلی اللہ علیہ وسلم
حالیہ پوسٹیں
- مجھ کو طیبہ میں بلا لو شاہ زمنی
- نگاہِ لطف کے اُمیدوار ہم بھی ہیں
- زمین و زماں تمہارے لئے ، مکین و مکاں تمہارے لیے
- دل میں بس گئے یارو طیبہ کے نظارے ہیں
- میں کہاں اور تیری حمد کا مفہوم کہاں
- خدا کے قرب میں جانا حضور جانتے ہیں
- احمد کہُوں ک ہحامدِ یکتا کہُوں تجھے
- جذب و جنوں میں انکی بابت جانے کیا کیا بول گیا
- ایمان ہے قال مصطفائی
- اینویں تے نیئیں دل دا قرار مُک چلیا
- میں کس منہ سے مانگوں دعائے مدینہ
- گزرے جس راہ سے وہ سیدِ والا ہو کر
- جو ہر شے کی حقیقت ہے جو پنہاں ہے حقیقت میں
- طیبہ دیاں گلاں صبح و شام کریے
- پھر دل میں بہاراں کے آثار نظر آئے
- توانائی نہیں صدمہ اُٹھانے کی ذرا باقی
- شہنشاہا حبیبا مدینہ دیا خیر منگناہاں میں تیری سرکار چوں
- اے دینِ حق کے رہبر تم پر سلام ہر دم
- پوچھتے کیا ہو عرش پر یوں گئے مصطفیٰ کہ یوں
- مجھے بھی مدینے بلا میرے مولا کرم کی تجلی دکھا میرے مولا