کعبے کی رونق کعبے کا منظر، اللہ اکبر اللہ اکبر
دیکھوں تو دیکھے جاؤں برابر، اللہ اکبر اللہ اکبر
حمد خدا سے تر ہیں زبانیں
کانوں میں رس گھولتی ہیں اذانیں
بس اک صدا آ رہی ہے برابر
اللہ اکبر اللہ اکبر
تیرے حرم کی کیا بات مولٰی
تیرے کرم کی کیا بات مولٰی
تا عمر لکھ دے آنا مقدر
اللہ اکبر اللہ اکبر
مانگی ہیں میں نے جتنی دعائیں
منظور ہوں گی، مقبول ہوں گی
میزاب رحمت ہے میرے سر پر
اللہ اکبر اللہ اکبر
حیرت سے خود کو کبھی دیکھتا ہوں
اور دیکھتا ہوں کبھی میں حرم کو
کہ لایا کہاں مجھ کو میرا مقدر
اللہ اکبر اللہ اکبر
یاد آگئیں جب اپنی خطائیں
اشکوں میں ڈھلنے لگیں التجائیں
رویا غلافِ کعبہ پکڑ کر
اللہ اکبر اللہ اکبر
بھیجا ہے جنت سے تجھ کو خدا نے
چوما ہے تجھ کو میرے مصطفٰی نے
اے سنگِ اسود تیرا مقدر
اللہ اکبر اللہ اکبر
دیکھا صفا اور مروہ بھی دیکھا
رب کے کرم کا جلوہ بھی دیکھا
دیکھا وہاں اک سروں کا سمندر
اللہ اکبر اللہ اکبر
مولٰی صبیح اور کیا چاہتا ہے
بس مغفرت کی عطا چاہتا ہے
بخشش کے طالب پہ اپنا کرم کر
اللہ اکبر اللہ اکبر
کعبے کی رونق کعبے کا منظر، اللہ اکبر اللہ اکبر
دیکھوں تو دیکھے جاؤں برابر، اللہ اکبر اللہ اکبر
کعبے کی رونق کعبے کا منظر، اللہ اکبر اللہ اکبر
حالیہ پوسٹیں
- پھر دل میں بہاراں کے آثار نظر آئے
- تو ہے وہ غوث کہ ہر غوث ہے شیدا تیرا
- کہتے ہیں عدی بن مسافر
- میں لب کشا نہیں ہوں اور محو التجا ہوں
- نہ اِترائیں کیوں عاشقانِ محؐمد
- کچھ نہیں مانگتا شاہوں سے یہ شیدا تیرا
- سب کچھ ہے خدا،اُس کے سوا کچھ بھی نہیں ہے
- دونوں جہاں کا حسن مدینے کی دُھول ہے
- ہو اگر مدحِ کفِ پا سے منور کاغذ
- مجھے بھی مدینے بلا میرے مولا کرم کی تجلی دکھا میرے مولا
- ہم خاک ہیں اور خاک ہی ماوا ہے ہمارا
- خدا کی قسم آپ جیسا حسیں
- کون کہتا ہے کہ زینت خلد کی اچھی نہیں
- طرب انگیز ہے راحت فزا ہے کیف ساماں ہے
- حُسن سارے کا سارا مدینے میں ہے
- تو شمع رسالت ہے عالم تیرا پروانہ
- طیبہ سارے جگ توں جدا سوھنیا
- ارباب زر کےمنہ سے جب بولتا ہے پیسہ
- یا محمد ہے سارا جہاں آپ کا
- میرے نبی پیارے نبی ؑ ہے مرتبہ بالا تیرا