طیبہ سارے جگ توں جدا سوھنیا
طیبہ وچ مینوں وی وسا سوھنیا
نور دیاں جتھے برساتاں ہوندیاں
سب راتاں جتھے شب راتاں ہوندیاں
مینوں اوس در تے بلا سوھنیا
طیبہ وچ مینوں وی وسا سوھنیا
تیرے جیہا رب نے بنایا کوئی ناں
طیبہ جیہا بلد وسایا کوئی ناں
پاندا ایتھے جھاتیاں خدا سوھنیا
طیبہ وچ مینوں وی وسا سوھنیا
عشقے دی ہونِدیاں جدا رسماں
طیبہ دیاں کھاندا اے خدا قسماں
عشق وچ ہر شے روا سوھنیا
طیبہ وچ مینوں وی وسا سوھنیا
طیبہ وچ روضے دی ایہہ وکھری ای شان
رحمتاں لٹاندا رج رب رحمان
سارا جگ تیرا اے گدا سوھنیا
طیبہ وچ مینوں وی وسا سوھنیا
تک کے نظارے دل رجدا نیئیں
اکھاں وچ ہور کج جچدا نیئیں
طیبہ سارے جگ توں سِوا سوھنیا
طیبہ وچ مینوں وی وسا سوھنیا
حجر وچھوڑیاں وچ نین سِکدے
میریاں نصیباں وچ ہن لکھ دے
ٹھنڈی مٹھی طیبہ دی ہوا سوھنیا
طیبہ وچ مینوں وی وسا سوھنیا
خورے کدوں رک جان آندے جاندے ساہ
زندگی ادھاری نیئیں پل دا وساہ
میرے اتے کرم کما سوھنیا
طیبہ وچ مینوں وی وسا سوھنیا
پلے کوئی عمل نہ منگنے دا چج
کالی کالی کملی وچ آقا مینوں کج
رب دے عذاب توں بچا سوھنیا
طیبہ وچ مینوں وی وسا سوھنیا
جنڈری اَولّڑا اے روگ لا لیا
گل وچ طیبہ دا اے جوگ پا لیا
دید تیری میری اے دوا سوھنیا
طیبہ وچ مینوں وی وسا سوھنیا
طیبہ سارے جگ توں جدا سوھنیا
حالیہ پوسٹیں
- دل دیاں گلاں میں سناواں کس نوں
- کون کہتا ہے کہ زینت خلد کی اچھی نہیں
- مدینہ سامنے ہے بس ابھی پہنچا میں دم بھر میں
- آہ جاتی ہے فلک پر رحم لانے کے لئے
- حضور ایسا کوئی انتظام ہو جائے
- وجہِ تخلیقِ دو عالم، عالم آرا ہو گیا
- سُن کملے دِلا جے توں چاھنا ایں وسنا
- جب درِ مصطفےٰ کا نطارا ہو
- فضلِ رَبّْ العْلیٰ اور کیا چاہیے
- سرور انبیاء کی ہے محفل سجی
- نارِ دوزخ کو چمن کردے بہارِ عارض
- سیف الملوک
- میں گدائے دیارِ نبی ہوں پوچھیئے میرے دامن میں کیا ہے
- ہے کلام ِ الٰہی میں شمس و ضحٰے
- کون کہتا ہے کہ زینت خلد کی اچھی نہیں
- وَرَفَعنا لَکَ ذِکرَک
- رونقِ بزمِ جہاں ہیں عاشقانِ سوختہ
- معراج کی شب سدرہ سے وریٰ تھا اللہ اور محبوبِ الہٰ
- محمد مظہر کامل ہے حق کی شان عزت کا
- خوشبوے دشتِ طیبہ سے بس جائے گر دماغ