اے حبِّ وطن ساتھ نہ یوں سوے نجف جا
ہم اور طرف جاتے ہیں تو اور طرف جا
چل ہند سے چل ہند سے چل ہند سے غافل !
اُٹھ سوے نجف سوے نجف سوے نجف جا
پھنستا ہے وبالوں میں عبث اخترِ طالع
سرکار سے پائے گا شرف بہر شرف جا
آنکھوں کو بھی محروم نہ رکھ حُسنِ ضیا سے
کی دل میں اگر اے مہِ بے داغ و کلف جا
اے کُلفتِ غم بندۂ مولیٰ سے نہ رکھ کام
بے فائدہ ہوتی ہے تری عمر تلف جا
اے طلعتِ شہ آ تجھے مولیٰ کی قسم آ
اے ظلمتِ دل جا تجھے اُس رُخ کا حَلف جَا
ہو جلوہ فزا صاحبِ قوسین کا نائب
ہاں تیرِ دعا بہرِ خدا سُوے ہدف جا
کیوں غرقِ اَلم ہے دُرِ مقصود سے منہ بھر
نیسانِ کرم کی طرف اے تشنہ صدف جا
جیلاں کے شرف حضرتِ مولیٰ کے خلف ہیں
اے نا خلف اُٹھ جانبِ تعظیمِ خلف جا
تفضیل کا جویا نہ ہو مولیٰ کی وِلا میں
یوں چھوڑ کے گوہر کو نہ تو بہر خذف جا
مولیٰ کی امامت سے محبت ہے تو غافل
اَربابِ جماعت کی نہ تو چھوڑ کے صف جا
کہہ دے کوئی گھیرا ہے بَلاؤں نے حسنؔ کو
اے شیرِ خدا بہرِ مدد تیغ بکف جا
اے حبِّ وطن ساتھ نہ یوں سوے نجف جا
حالیہ پوسٹیں
- دشتِ مدینہ کی ہے عجب پُر بہار صبح
- سر سوئے روضہ جھکا پھر تجھ کو کیا
- سر تا بقدم ہے تن سلطان زمن پھول
- ہر لب پہ ہے تیری ثنا ، ہر بزم میں چرچا ترا
- رُخ دن ہے یا مہرِ سما ، یہ بھی نہیں وہ بھی نہیں
- عاصیوں کو در تمھارا مل گیا
- اب تنگی داماں پہ نہ جا اور بھی کچھ مانگ
- لو مدینے کی تجلی سے لگائے ہوئے ہیں
- کوئی سلیقہ ہے آرزو کا ، نہ بندگی میری بندگی ہے
- سب سے اولیٰ و اعلیٰ ہمارا نبی
- یا محمد ہے سارا جہاں آپ کا
- اے کہ ترے جلال سے ہل گئی بزمِ کافری
- یہ حقیقت ہے کہ جینا وہی جینا ہوگا
- بھر دو جھولی میری یا محمد
- ان کی مہک نے دل کے غنچے کھلا دیئے ہیں
- وَرَفَعنا لَکَ ذِکرَک
- سحابِ رحمتِ باری ہے بارھویں تاریخ
- فاصلوں کو تکلف ہے ہم سے اگر ، ہم بھی بے بس نہیں ، بے سہارا نہیں
- کون کہتا ہے کہ زینت خلد کی اچھی نہیں
- گزرے جس راہ سے وہ سیدِ والا ہو کر