بیبا عاشقاں دے رِیت تے رواج وکھرے
سارے جگ نالوں اینہاں دے مزاج وکھرے
رُل جاندے یار لئی اُف نیوں کردے
پئے چمڑی لہاندے سولی اتے چڑھدے
اینہاں لوکاں دیاں سوچاں تے رواج وکھرے
بیبا عاشقاں دے ریت تے رواج وکھرے
در یا ر دا اے قبلہ تے کعبہ اینہاں لئی
سنگ یار دی گلی دا اے سجادہ ایہناں لئی
سچے عاشقاں دے تخت تے تاج وکھرے
بیبا عاشقاں دے ریت تے رواج وکھرے
ایہہ طیبہ اتوں جنتاں نوں وار سٹدے
ایہہ بہشتاں نوں تیلی لا کے ساڑ سٹدے
طیبہ والیاں دے قمر و سراج وکھرے
بیبا عاشقاں دے ریت تے رواج وکھرے
حج اینہا دا اے یار دا دوارا ملنا
اَٹھے پہر رُخِ یار دا نظارا کرنا
ویکھ عاشقاں تے فرض نیں کاج وکھرے
بیبا عاشقاں دے ریت تے رواج وکھرے
دید یار دی اے اینہاں لئی جہاناں کولوں ودھ
سوھنے یار دی گلی ایہہ اَسماناں کولوں ودھ
روگ اینہاں دے نرالے تے علاج وکھرے
بیبا عاشقاں دے ریت تے رواج وکھرے
ایہہ یار دے پسینے اُتے رَت ڈو ہلدے
تن من رول دیندے مونہوں نیوں بولدے
درِ یار اُتے ڈھوندے نیں اے داج وکھرے
بیبا عاشقاں دے ریت تے رواج وکھرے
ایہہ دل والی دھرتی سیراب کردے
ایہہ بنجر زمیناں آب و آب کردے
بیبا ولیاں دے کُھوہ تے بیراج وکھرے
بیبا عاشقاں دے ریت تے رواج وکھرے
اے رب دے حبیب دا نیں فیض ونڈدے
ڈُبے بَیڑیاں نوں تار دیاں نیوں سنگدے
دل اُتے اینہاں لوکاں دے نیں راج وکھرے
بیبا عاشقاں دے ریت تے رواج وکھرے

بیبا عاشقاں دے رِیت تے رواج وکھرے
حالیہ پوسٹیں
- آرزو ہے میری یامحمد موت آئے تو اس طرح آئے
- رکتا نہیں ہرگز وہ اِدھر باغِ ارم سے
- ہو اگر مدحِ کفِ پا سے منور کاغذ
- سرور انبیاء کی ہے محفل سجی
- وہ نبیوں میں رحمت لقب پانے والا
- سوھنیاں نیں آقا تیرے روضے دیاں جالیاں
- یہ دنیا اک سمندر ہے مگر ساحل مدینہ ہے
- بے خُود کِیے دیتے ہیں اَندازِ حِجَابَانَہ
- اس کرم کا کروں شکر کیسے ادا جو کرم مجھ پہ میرے نبی کر دیا
- معراج کی شب سدرہ سے وریٰ تھا اللہ اور محبوبِ الہٰ
- کہتے ہیں عدی بن مسافر
- حلقے میں رسولوں کے وہ ماہِ مدنی ہے
- خزاں کی شام کو صبحِ بہار تُو نے کیا
- خراب حال کیا دِل کو پُر ملال کیا
- کیا مژدۂ جاں بخش سنائے گا قلم آج
- کرے مدحِ شہِ والا، کہاں انساں میں طاقت ہے
- دل خون کے آنسو روتا ہے اے چارہ گرو کچھ مدد کرو
- سرکار یہ نام تمھارا سب ناموں سے ہے پیارا
- ہے کلامِ الٰہی میں شمس و ضحی ترے چہرہ ءِ نور فزا کی قسم
- دل میں ہو یاد تیری گوشہ تنہائی ہو