کرے چارہ سازی زیارت کسی کی بھرے زخم دل کے ملاحت کسی کی
چمک کر یہ کہتی ہے طلعت کسی کی کہ دیدارِ حق ہے زیارت کسی کی
عجب پیاری پیاری ہے صورت کسی کی ہمیں کیا خدا کو ہے اُلفت کسی کی
ابھی پار ہوں ڈوبنے والے بیڑے سہارا لگا دے جو رحمت کسی کی
کسی کو کسی سے ہوئی ہے نہ ہو گی خدا کو ہے جتنی محبت کسی کی
دمِ حشر عاصی مزے لے رہے ہیں شفاعت کسی کی ہے رحمت کسی کی
خدا کا دیا ہے ترے پاس سب کچھ ترے ہوتے کیا ہم کو حاجت کسی کی
قمر اِک اشارے میں دو ٹکڑے دیکھا زمانے پہ روشن ہے طاقت کسی کی
ہمیِں ہیں کسی کی شفاعت کی خاطر ہماری ہی خاطر شفاعت کسی کی
مصیبت زدو شاد ہو تم کہ اُن سے نہیں دیکھی جاتی مصیبت کسی کی
نہ پہنچیں گے جب تک گنہگار اُن کے نہ جائے گی جنت میں اُمت کسی کی
خدا سے دعا ہے کہ ہنگامِ رُخصت زبانِ حسنؔ پر ہو مدحت کسی کی
مولانا حسن رضا خان علیہ رحمہ
کرے چارہ سازی زیارت کسی کی بھرے زخم دل کے ملاحت کسی کی
حالیہ پوسٹیں
- اے حبِّ وطن ساتھ نہ یوں سوے نجف جا
- یہ نہ پوچھو ملا ہمیں درِ خیرالورٰی سے کیا
- میں لب کشا نہیں ہوں اور محو التجا ہوں
- تھی جس کے مقدر میں گدائی ترے در کی
- کون ہو مسند نشیں خاکِ مدینہ چھوڑ کر
- وہی جو خالق جہان کا ہے وہی خدا ہے وہی خدا ہے
- دل دیاں گلاں میں سناواں کس نوں
- آئینہ بھی آئینے میں منظر بھی اُسی کا
- مئے حُبِّ نبی سے جس کا دل سرشار ہو جائے
- سر بزم جھومتا ہے سر عام جھومتا ہے
- ہر دم تیری باتیں کرنا اچھا لگتا ہے
- شاہِ کونین کی ہر ادا نور ہے
- دل مِرا دنیا پہ شیدا ہو گیا
- عشق کے رنگ میں رنگ جائیں جب افکار تو کھلتے ہیں
- خزاں سے کوئی طلب نہیں ھے
- چھائے غم کے بادل کالے
- تیرا ذکر میری ہے زندگی تیری نعت میری ہے بندگی
- ہم درِ مصطفےٰ دیکھتے رہ گئے
- سُن کملے دِلا جے توں چاھنا ایں وسنا
- میں گدائے دیارِ نبی ہوں پوچھیئے میرے دامن میں کیا ہے