ہر وقت تصور میں مدینے کی گلی ہو
اور یاد محمد کی میرے دل میں بسی ہو
دو سوز بلال آقا ملے درد رضا سا
سرکار عطا عشق اویس قرنی ہو
اے کاش ! میں بن جاؤں مدینے کا مسافر
پھر روتی ہوئی طیبہ کو بارات چلی ہو
پھر رحمت باری سے چلوں سوئے مدینہ
اے کاش ! مقدر سے میسر وہ گھڑی ہو
جب آؤں مدینے میں تو ہو چاک گریباں
آنکھوں سے برستی ہوئی اشکوں کی جھڑی ہو
جب لے کے چلو گور غریباں کو جنازہ
کچھ خاک مدینے کی میرے منہ پہ سجی ہو
جس وقت نکیرین میری قبر میں آئیں
اس وقت میرے لب پہ سجی نعت نبی ہو
اللہ ! کرم ایسا کرے تجھ پر جہاں میں
اے دعوت اسلامی تیری دھوم مچی ہو
آقا کا گدا ہوں اے جہنم تو بھی سن لے
وہ کیسے جلے جو کہ غلام مدنی ہو
صدقہ میرے مرشد کا کرو دور بلائیں
پورا میرا سرکار ہر ارمان دلی ہو
اللہ کی رحمت سے تو جنت ہی ملے گی
اے کاش ! محلے میں جگہ ان کے ملی ہو
محفوظ سدا رکھنا شہا بے ادبوں سے
اور مجھ سے بھی سرزد نہ کبھی بے ادبی ہو
عطار ہمارا ہے سر حشر اسے کاش
دست شہ بطحہ سے یہی چٹھی ملی ہو
اے کاش ! مدینے میں مجھے موت یوں آئے
قدموں میں تیرے سر ہو میری روح چلی ہو
ہر وقت تصور میں مدینے کی گلی ہو
حالیہ پوسٹیں
- آج آئے نبیوں کے سردار مرحبا
- دل میں ہو یاد تیری گوشہ تنہائی ہو
- عارضِ شمس و قمر سے بھی ہیں انور ایڑیاں
- سیف الملوک
- کیونکر نہ میرے دل میں ہو الفت رسول کی
- مجھے بھی مدینے بلا میرے مولا کرم کی تجلی دکھا میرے مولا
- شمعِ دیں کی کیسے ہوسکتی ہے مدہم روشنی
- معراج کی شب سدرہ سے وریٰ تھا اللہ اور محبوبِ الہٰ
- اے حبِّ وطن ساتھ نہ یوں سوے نجف جا
- تو سب کا رب سب تیرے گدا
- مبارک ہو وہ شہ پردہ سے باہر آنے والا ہے
- کون کہتا ہے کہ زینت خلد کی اچھی نہیں
- جس نے مدینے جانڑاں کر لو تیاریاں
- پاٹ وہ کچھ دَھار یہ کچھ زار ہم
- سر تا بقدم ہے تن سلطان زمن پھول
- جو ہر شے کی حقیقت ہے جو پنہاں ہے حقیقت میں
- خدا کی خلق میں سب انبیا خاص
- آئینہ بھی آئینے میں منظر بھی اُسی کا
- کیوں کرہم اہلِ دل نہ ہوں دیوانۂ رسولؐ
- خراب حال کیا دِل کو پُر ملال کیا