اج سک متراں دی ودھیری اے
کیوں دلڑی اداس گھنیری اے
لوں لوں وچ شوق چنگیری اے
اج نیناں لائیاں کیوں جھڑیاں
فسکرت ھنا من نظرتہ
نیناں دیاں فوجاں سر چڑھیاں
مکھ چند بدر شعشانی اے
متھے چمکدی لاٹ نورانی اے
کالی زلف تے اکھ مستانی اے
مخمور اکھیں ہن مدھ بھریاں
اس صورت نوں میں جان آکھاں
جانان کہ جان جہان آکھاں
سچ آکھاں تے رب دی شان آکھاں
جس شان تو شاناں سب بنیاں
دسے صورت راہ بے صورت دا
توبہ راہ کی عین حقیقت دا
پر کم نہیں بے سوجھت دا
کوئی ورلیاں موتی لے تریاں
ایہہ صورت ہے بے صورت تھیں
بے صورت ظاہر صورت تھیں
بے رنگ دسے اس مورت تھیں
وچ وحدت پھٹیاں جد گھڑیاں
حجرے توں مسجد آو ڈھولن
نوری جھات دے کارن سارے سکن
اوہا مٹھیاں گالیں الاو مٹھن
جو حمرا وادی سن کریاں
سبحان اللہ ما اجملک
ما احسنک ما اکملک
کتھے مہر علی کتھے تیری ثنا
گستاخ اکھیں کتھے جا اڑیاں
اج سک متراں دی ودھیری اے
حالیہ پوسٹیں
- دلوں میں اجالا تیرے نام سے ہے
- طیبہ نگری کی گلیوں میں دل کی حالت مت پوچھو
- ترے دَر پہ ساجد ہیں شاہانِ عالم
- حبیب خدا کا نظارہ کروں میں دل و جان ان پر نثارا کروں میں
- خلق کے سرور شافع محشر صلی اللہ علیہ وسلم
- یا رب میری سوئی ہوئی تقدیر جگا دے
- سوہنا اے من موہنا اے آمنہ تیرا لال نی
- غم ہو گئے بے شمار آقا
- شہنشاہا حبیبا مدینہ دیا خیر منگناہاں میں تیری سرکار چوں
- دل میں بس گئے یارو طیبہ کے نظارے ہیں
- حالِ دل کس کو سنائیں آپ کے ہوتے ہوئے
- اے عشقِ نبی میرے دل میں بھی سما جانا
- جب سے ان کی گلی کا گدا ہو گیا
- اک خواب سناواں
- آئینہ بھی آئینے میں منظر بھی اُسی کا
- مبارک ہو وہ شہ پردہ سے باہر آنے والا ہے
- ہم درِ مصطفےٰ دیکھتے رہ گئے
- اینویں تے نیئیں دل دا قرار مُک چلیا
- طور نے تو خوب دیکھا جلوۂ شان جمال
- سنتے ہیں کہ محشر میں صرف اُن کی رسائی ہے