زہے عزت و اعتلائے محمد
کہ ہے عرش حق زیر پائے محمد
مکاں عرش ان کا فلک فرش ان کا
ملک خادمان سرائے محمد
خدا کی رضا چاہتے ہیں دو عالم
خدا چاہتا ہے رضائے محمد
عجب کیا اگر رحم فرما لے ہم پر
خدائے محمد برائے محمد
محمد برائے جناب الٰہی
جناب الٰہی برائے محمد
بسی عطر محبوبی کبریا سے
عبائے محمد قبائے محمد
بہم عہد باندھے ہیں وصل ابد کا
رضائے خدا اور رضائے محمد
دم نزع جاری ہو میری زباں پر
محمد محمد خدائے محمد
عصائے کلیم اژدہائے غضب تھا
گروں کا سہارا عصائے محمد
میں قربان کیا پیاری پیاری ہے نسبت
یہ آنِ خدا وہ خدائے محمد
محمد کا دم خاص بہرِ خدا ہے
سوائے محمد برائے محمد
خدا اُن کو کس پیار سے دیکھتا ہے
جو آنکھیں ہیں محوِ لقائے محمد
جلو میں اجابت خواصی میں رحمت
بڑھی کس تزک سے دعائے محمد
اجابت نے جھک کر گلے سے لگایا
بڑھی ناز سے جب دعائے محمد
اجابت کا سہرا عنایت کا جوڑا
دلہن بن کے نکلی دعائے محمد
رضا پل سے اب وجد کرتے گزریے
کہ ہے رب سلم صدائے محمد
زہے عزت و اعتلائے محمد
حالیہ پوسٹیں
- ادھر بھی نگاہِ کرم یا محمد ! صدا دے رہے ہیں یہ در پر سوالی
- گنج بخش فض عالم مظہرِ نور خدا
- حضور ایسا کوئی انتظام ہو جائے
- پڑے مجھ پر نہ کچھ اُفتاد یا غوث
- سُن کملے دِلا جے توں چاھنا ایں وسنا
- میں لب کشا نہیں ہوں اور محو التجا ہوں
- رب کولوں اساں غم خوار منگیا
- سحابِ رحمتِ باری ہے بارھویں تاریخ
- انکے درِ نیاز پر سارا جہاں جھکا ہوا
- اب تنگی داماں پہ نہ جا اور بھی کچھ مانگ
- کس کی مجال ہے کہ وہ حق تیرا ادا کرے
- یا محمد نورِ مجسم یا حبیبی یا مولائی
- یا صاحب الجمال و یا سید البشر
- نعت سرکاؐر کی پڑھتاہوں میں
- جب درِ مصطفےٰ کا نطارا ہو
- معراج کی شب سدرہ سے وریٰ تھا اللہ اور محبوبِ الہٰ
- ہے کلام ِ الٰہی میں شمس و ضحٰے
- خدا کی قسم آپ جیسا حسیں
- گلزارِ مدینہ صلِّ علیٰ،رحمت کی گھٹا سبحان اللّٰٰہ
- کچھ نہیں مانگتا شاہوں سے یہ شیدا تیرا