چھائے غم کے بادل کالے
میری خبر اے بدرِ دُجیٰ لے
گرتا ہوں میں لغزشِ پا سے
آ اے ہاتھ پکڑنے والے
زُلف کا صدقہ تشنہ لبوں پر
برسا مہر و کرم کے جھالے
خاک مری پامال ہو کب تک
نیچے نیچے دامن والے
پھرتا ہوں میں مارا مارا
پیارے اپنے دَر پہ بُلا لے
کام کیے بے سوچے سمجھے
راہ چلا بے دیکھے بھالے
ناری دے کر خط غلامی
تجھ سے لیں جنت کے قبالے
تو ترے احساں میرے یاور
ہیں مرے مطلب تیرے حوالے
تیرے صدقے تیرے قرباں
میرے آس بندھانے والے
بگڑی بات کو تو ہی بنائے
ڈوبتی ناؤ کو تو ہی سنبھالے
تم سے جو مانگا فوراً پایا
تم نہیں کرتے ٹالے بالے
وسعت خوانِ کرم کے تصدق
دونوں عالم تم نے پالے
دیکھیں جنہوں نے تیری آنکھیں
وہ ہیں حق کے دیکھنے والے
تیرے عارض گورے گورے
شمس و قمر کے گھر کے اُجالے
اَبر لطف و غلافِ کعبہ
تیرے گیسو کالے کالے
آفت میں ہے غلامِ ہندی
تیری دُہائی مدینے والے
تنہا میں اے حامیِ بے کس
سینکڑوں ہیں دُکھ دینے والے
تیرے لطف ہوں میرے یاور
تیرا قہر عدو کو جا لے
آج ہے پیشی میں ہوں مجرم
زیر دامن مجھ کو چھپا لے
روزِ حساب اور مجھ سا عاصی
میری بگڑی بات بنا لے
تورے بل بل جاؤں کھویا
ندیا گہری نیّا ہالے
گھِر گھِر آئے گم کے بدرا
جیرا کانپت کملی والے
رین اندھیری دُور نگریا
توری دہائی جگ اُجیالے
تن من دھن کی سدھ بدھ بسری
موری کھبریا مورے پیا لے
نیناں کے بلہاری جاوے
درسن بھچّا جو منگتا لے
وا کو سمندر پار ہو جا دو
جا کو ڈراویں ندی نالے
اپنے حسین و حسن کے حسن کو
زہرِ کرب و بلا سے بچا لے

چھائے غم کے بادل کالے
حالیہ پوسٹیں
- اینویں تے نیئیں دل دا قرار مُک چلیا
- اے دینِ حق کے رہبر تم پر سلام ہر دم
- سر بزم جھومتا ہے سر عام جھومتا ہے
- حرزِ جاں ذکرِ شفاعت کیجئے
- یا نبی نظری کرم فرمانا ، یا نبی نظر کرم فرمانا ،
- خلق کے سرور شافع محشر صلی اللہ علیہ وسلم
- عاصیوں کو در تمھارا مل گیا
- وہی جو خالق جہان کا ہے وہی خدا ہے وہی خدا ہے
- ترا ظہور ہوا چشمِ نور کی رونق
- جو ہوچکا ہے جو ہوگا حضور جانتے ہیں
- ہے پاک رُتبہ فکر سے اُس بے نیاز کا
- فاصلوں کو تکلف ہے ہم سے اگر ، ہم بھی بے بس نہیں ، بے سہارا نہیں
- ہم تمہارے ہوکے کس کے پاس جائیں
- وہی رب ہے جس نے تجھ کو ہمہ تن کرم بنایا
- جو گزریاں طیبہ نگری وچ او گھڑیاں مینوں بھلدیاں نئیں
- خاکِ طیبہ کی اگر دل میں ہو وقعت محفوظ
- کبھی ان کی خدمت میں جا کے تودیکھو
- ذکرِ احمد میں گزری جو راتیں حال انکا بتایا نہ جائے
- سلام اس ذاتِ اقدس پر سلام اس فخرِ دوراں پر
- وہ نبیوں میں رحمت لقب پانے والا