رب دیاں رحمتاں لٹائی رکھدے

رب دیاں رحمتاں لٹائی رکھدے
جگ دیاں عیباں توں چھپائی رکھدے

جو دی اے روٹی روٹی موٹی بے چھنی
قبضے دے وچ نیں خدائی رکھدے

سوھنے دیاں گلاں اساں یاد کر کے
اجڑیاں دلاں نوں وسائی رکھدے

آقا دا کرم ویکھو در اپنے
میرے جئے پلیتاں نوں بلائی رکھدے

امت عذاب توں بچان خاطر ے
ہتھاں نوں دعاواں لئی چائی رکھدے

رج کے نہ کھادا ساری عمر جنہاں
در دے گداواں نوں رجائی رکھدے

موڑدا نئی رب کوئی گل فیر وی
سر وچ سجدے جھکائی رکھدے

سوہنے نال دل نوں جو لائی رکھدے
اکھاں دیاں نیندراں اڈائی رکھدے

سوہنے دیاں نعتاں تے درود پڑھ کے
دل دیاں محفلاں سجائی رکھدے

دنیا نوں چھڈ کے او دنیا دے وچ
دل والی نگری وسائی رکھدے

گم ہو کے آقا دے نظاریاں دے وچ
اپنے وجود نوں مٹائی رکھدے

رب دے نظام دے محیط اندر
ہر پاسے ہر تھاں رسائی رکھدے

اپنیاں خواباں تے خیالاں وچ وی
ہر ویلے آقا نوں بلائی رکھدے
جگ دیاں عیباں توں چھپائی رکھدے

جو دی اے روٹی روٹی موٹی بے چھنی
قبضے دے وچ نیں خدائی رکھدے

سوھنے دیاں گلاں اساں یاد کر کے
اجڑیاں دلاں نوں وسائی رکھدے

آقا دا کرم ویکھو در اپنے
میرے جئے پلیتاں نوں بلائی رکھدے

امت عذاب توں بچان خاطر ے
ہتھاں نوں دعاواں لئی چائی رکھدے

رج کے نہ کھادا ساری عمر جنہاں
در دے گداواں نوں رجائی رکھدے

موڑدا نئی رب کوئی گل فیر وی
سر وچ سجدے جھکائی رکھدے

سوہنے نال دل نوں جو لائی رکھدے
اکھاں دیاں نیندراں اڈائی رکھدے

سوہنے دیاں نعتاں تے درود پڑھ کے
دل دیاں محفلاں سجائی رکھدے

دنیا نوں چھڈ کے او دنیا دے وچ
دل والی نگری وسائی رکھدے

گم ہو کے آقا دے نظاریاں دے وچ
اپنے وجود نوں مٹائی رکھدے

رب دے نظام دے محیط اندر
ہر پاسے ہر تھاں رسائی رکھدے

اپنیاں خواباں تے خیالاں وچ وی
ہر ویلے آقا نوں بلائی رکھدے