خدا کی خلق میں سب انبیا خاص
گروہِ انبیا میں مصطفےٰ خاص
نرالا حُسنِ انداز و اَدا خاص
تجھے خاصوں میں حق نے کر لیا خاص
تری نعمت کے سائل خاص تا عام
تری رحمت کے طالب عام تا خاص
شریک اُس میں نہیں کوئی پیمبر
خدا سے ہے تجھ کو واسطہ خاص
گنہگارو! نہ ہو مایوسِ رحمت
نہیں ہوتی کریموں کی عطا خاص
گدا ہوں خاص رحمت سے ملے بھیک
نہ میں خاص اور نہ میری اِلتجا خاص
ملا جو کچھ جسے وہ تم سے پایا
تمھیں ہو مالکِ مُلکِ خدا خاص
غریبوں بے نواؤں بے کسوں کو
خدا نے در تمہارا کر دیا خاص
جو کچھ پیدا ہوا دونوں جہاں میں
تصدق ہے تمہاری ذات کا خاص
تمہاری انجمن آرائیوں کو
ہوا ہنگامۂ قَالُوْا بَلٰی خاص
نبی ہم پایہ ہوں کیا تو نے پایا
نبوت کی طرح ہر معجزہ خاص
جو رکھتا ہے جمالِ مَنْ رَّاٰنِیْ
اُسی منہ کی صفت ہے وَالضُّحٰی خاص
نہ بھیجو اور دروازوں پر اِس کو
حسنؔ ہے آپ کے در کا گدا خاص
خدا کی خلق میں سب انبیا خاص
حالیہ پوسٹیں
- مدینے کی ٹھنڈی ہواؤں پہ صدقے
- خزاں سے کوئی طلب نہیں ھے
- قبلہ کا بھی کعبہ رُخِ نیکو نظر آیا
- بھر دو جھولی میری یا محمد
- سن لو خدا کے واسطے اپنے گدا کی عرض
- مثلِ شبّیر کوئی حق کا پرستار تو ہو
- زمین و زماں تمہارے لئے ، مکین و مکاں تمہارے لیے
- کبھی خزاں کبھی فصلِ بہار دیتا ہے
- نور کس کا ہے چاند تاروں میں
- سب کچھ ہے خدا،اُس کے سوا کچھ بھی نہیں ہے
- اے حبِّ وطن ساتھ نہ یوں سوے نجف جا
- نبی اللہ نبی اللہ جپدے رہوو
- حالِ دل کس کو سنائیں آپ کے ہوتے ہوئے
- دل دیاں گلاں میں سناواں کس نوں
- دونوں جہاں کا حسن مدینے کی دُھول ہے
- مصطفیٰ جان ِ رحمت پہ لاکھوں سلام
- طیبہ والا جدوں دا دیار چھٹیا
- دل میں بس گئے یارو طیبہ کے نظارے ہیں
- کہاں میں بندۂ عاجز کہاں حمد و ثنا تیری
- اے دینِ حق کے رہبر تم پر سلام ہر دم