خدا کی خلق میں سب انبیا خاص
گروہِ انبیا میں مصطفےٰ خاص
نرالا حُسنِ انداز و اَدا خاص
تجھے خاصوں میں حق نے کر لیا خاص
تری نعمت کے سائل خاص تا عام
تری رحمت کے طالب عام تا خاص
شریک اُس میں نہیں کوئی پیمبر
خدا سے ہے تجھ کو واسطہ خاص
گنہگارو! نہ ہو مایوسِ رحمت
نہیں ہوتی کریموں کی عطا خاص
گدا ہوں خاص رحمت سے ملے بھیک
نہ میں خاص اور نہ میری اِلتجا خاص
ملا جو کچھ جسے وہ تم سے پایا
تمھیں ہو مالکِ مُلکِ خدا خاص
غریبوں بے نواؤں بے کسوں کو
خدا نے در تمہارا کر دیا خاص
جو کچھ پیدا ہوا دونوں جہاں میں
تصدق ہے تمہاری ذات کا خاص
تمہاری انجمن آرائیوں کو
ہوا ہنگامۂ قَالُوْا بَلٰی خاص
نبی ہم پایہ ہوں کیا تو نے پایا
نبوت کی طرح ہر معجزہ خاص
جو رکھتا ہے جمالِ مَنْ رَّاٰنِیْ
اُسی منہ کی صفت ہے وَالضُّحٰی خاص
نہ بھیجو اور دروازوں پر اِس کو
حسنؔ ہے آپ کے در کا گدا خاص
خدا کی خلق میں سب انبیا خاص
حالیہ پوسٹیں
- دل میں ہو یاد تیری گوشہ تنہائی ہو
- یہ نہ پوچھو ملا ہمیں درِ خیرالورٰی سے کیا
- لطف ان کا عام ہو ہی جائے گا
- اپنی نسبت سے میں کچھ نہیں ہوں، اس کرم کی بدولت بڑا ہوں
- جتنا مرے خدا کو ہے میرا نبی عزیز
- یہ چاند ستارے بھی دیتے ہیں خراج اُن کو
- وہ یوں تشریف لائے ہم گنہ گاروں کے جھرمٹ میں
- محمد مظہر کامل ہے حق کی شان عزت کا
- نور کس کا ہے چاند تاروں میں
- کوئی سلیقہ ہے آرزو کا ، نہ بندگی میری بندگی ہے
- محبوبِ کبریا سے میرا سلام کہنا
- دل میں ہو یاد تری گوشۂ تنہائی ہو
- خواجۂ ہند وہ دربار ہے اعلیٰ تیرا
- طوبےٰ میں جو سب سے اونچی نازک سیدھی نکلی شاخ
- سیف الملوک
- سر بزم جھومتا ہے سر عام جھومتا ہے
- تیری شان کیا شاہِ والا لکھوں
- نہ آسمان کو یوں سرکشیدہ ہونا تھا
- حبیب خدا کا نظارہ کروں میں دل و جان ان پر نثارا کروں میں
- بیاں ہو کس زباں سے مرتبہ صدیق اکبر کا