خلق کے سرور شافع محشر صلی اللہ علیہ وسلم
مرسل داور خاص پیمبر صلی اللہ علیہ وسلم
نورمجسم، نیّر اعظم، سرور عالم، مونسِ آدم
نوح کے ہمدم، خضر کے رہبر، صلی اللہ علیہ وسلم
فخر جہاں ہیں، عرش مکاں ہیں، شاہ شہاں ہیں، سیف زباں ہیں
سب پہ عیاں ہیں آپ کے جوہر، صلی اللہ علیہ وسلم
قبلہء عالم، کعبہ اعظم، سب سے مقدم راز کے محرم
جان مجسم، روح مصور، صلی اللہ علیہ وسلم
دولتِ دنیا خاک برابر، ہاتھ کے خالی دل کے تونگر
مالک کشور تخت نہ افسر، صلی اللہ علیہ وسلم
رہبر موسیٰ، ہادیء عیسٰی ، تارک دنیا، مالک عقبٰی
ہاتھ کا تکیہ، خاک کا بستر، صلی اللہ علیہ وسلم
سروخراماں، چہرہ گلستاں، جبہ تاباں، مہر درخشاں
سنبل پیچاں، زلف معنبر ، صلی اللہ علیہ وسلم
مہر سے مملو ریشہ ریشہ، نعت امیر اپنا ہے پیشہ
ورد ہمیشہ رہتا ہے لب پر ، صلی اللہ علیہ وسلم
(امیر مینائی رحمتہ اللہ علیہ)
خلق کے سرور شافع محشر صلی اللہ علیہ وسلم
حالیہ پوسٹیں
- خوشی سب ہی مناتے ہیں میرے سرکار آتے ہیں
- ہر لب پہ ہے تیری ثنا ، ہر بزم میں چرچا ترا
- میں کس منہ سے مانگوں دعائے مدینہ
- نگاہِ لطف کے اُمیدوار ہم بھی ہیں
- وہ سوئے لالہ زار پھرتے ہیں
- خاک سورج سے اندھیروں کا ازالہ ہوگا
- روک لیتی ہے آپ کی نسبت تیر جتنے بھی ہم پہ چلتے ہیں
- جس کو کہتے ہیں قیامت حشر جس کا نام ہے
- ہم مدینے سے اللہ کیوں آگئے
- سرور کہوں کہ مالک و مولیٰ کہوں تجھے
- ساقیا کیوں آج رِندوں پر ہے تو نا مہرباں
- گنج بخش فض عالم مظہرِ نور خدا
- کچھ نہیں مانگتا شاہوں سے یہ شیدا تیرا
- آہ جاتی ہے فلک پر رحم لانے کے لئے
- رب دیاں رحمتاں لٹائی رکھدے
- سب کچھ ہے خدا،اُس کے سوا کچھ بھی نہیں ہے
- مجھ پہ چشمِ کرم اے میرے آقا کرنا
- میرے نبی پیارے نبی ؑ ہے مرتبہ بالا تیرا
- نعت سرکاؐر کی پڑھتاہوں میں
- ہو ورد صبح و مسا لا الہ الا اللہ