کعبے کی رونق کعبے کا منظر، اللہ اکبر اللہ اکبر
دیکھوں تو دیکھے جاؤں برابر، اللہ اکبر اللہ اکبر
حمد خدا سے تر ہیں زبانیں
کانوں میں رس گھولتی ہیں اذانیں
بس اک صدا آ رہی ہے برابر
اللہ اکبر اللہ اکبر
تیرے حرم کی کیا بات مولٰی
تیرے کرم کی کیا بات مولٰی
تا عمر لکھ دے آنا مقدر
اللہ اکبر اللہ اکبر
مانگی ہیں میں نے جتنی دعائیں
منظور ہوں گی، مقبول ہوں گی
میزاب رحمت ہے میرے سر پر
اللہ اکبر اللہ اکبر
حیرت سے خود کو کبھی دیکھتا ہوں
اور دیکھتا ہوں کبھی میں حرم کو
کہ لایا کہاں مجھ کو میرا مقدر
اللہ اکبر اللہ اکبر
یاد آگئیں جب اپنی خطائیں
اشکوں میں ڈھلنے لگیں التجائیں
رویا غلافِ کعبہ پکڑ کر
اللہ اکبر اللہ اکبر
بھیجا ہے جنت سے تجھ کو خدا نے
چوما ہے تجھ کو میرے مصطفٰی نے
اے سنگِ اسود تیرا مقدر
اللہ اکبر اللہ اکبر
دیکھا صفا اور مروہ بھی دیکھا
رب کے کرم کا جلوہ بھی دیکھا
دیکھا وہاں اک سروں کا سمندر
اللہ اکبر اللہ اکبر
مولٰی صبیح اور کیا چاہتا ہے
بس مغفرت کی عطا چاہتا ہے
بخشش کے طالب پہ اپنا کرم کر
اللہ اکبر اللہ اکبر
کعبے کی رونق کعبے کا منظر، اللہ اکبر اللہ اکبر
دیکھوں تو دیکھے جاؤں برابر، اللہ اکبر اللہ اکبر
کعبے کی رونق کعبے کا منظر، اللہ اکبر اللہ اکبر
حالیہ پوسٹیں
- تو شاہِ خوباں، تو جانِ جاناں، ہے چہرہ اُم الکتاب تیرا
- سلام اس ذاتِ اقدس پر سلام اس فخرِ دوراں پر
- ان کا منگتا ہوں جو منگتا نہیں ہونے دیتے
- وہ کمالِ حُسنِ حضور ہے کہ گمانِ نقص جہاں نہیں
- حُسن سارے کا سارا مدینے میں ہے
- یہ رحمت نہیں ہے تو پھر اور کیا ہے
- کہاں میں بندۂ عاجز کہاں حمد و ثنا تیری
- جس کو کہتے ہیں قیامت حشر جس کا نام ہے
- پیغام صبا لائی ہے گلزار نبی سے
- اپنی نسبت سے میں کچھ نہیں ہوں، اس کرم کی بدولت بڑا ہوں
- کہو صبا سے کہ میرا سلام لے جائے
- اک خواب سناواں
- لطف ان کا عام ہو ہی جائے گا
- وہ نبیوں میں رحمت لقب پانے والا
- ساہ مُک چلے آقا آس نہ مُکی اے
- میرا تو سب کچھ میرا نبی ہے
- شاہِ کونین کی ہر ادا نور ہے
- مثلِ شبّیر کوئی حق کا پرستار تو ہو
- چمن دلوں کے کھلانا، حضور جانتے ہیں
- کوئی سلیقہ ہے آرزو کا ، نہ بندگی میری بندگی ہے