کرے چارہ سازی زیارت کسی کی بھرے زخم دل کے ملاحت کسی کی
چمک کر یہ کہتی ہے طلعت کسی کی کہ دیدارِ حق ہے زیارت کسی کی
عجب پیاری پیاری ہے صورت کسی کی ہمیں کیا خدا کو ہے اُلفت کسی کی
ابھی پار ہوں ڈوبنے والے بیڑے سہارا لگا دے جو رحمت کسی کی
کسی کو کسی سے ہوئی ہے نہ ہو گی خدا کو ہے جتنی محبت کسی کی
دمِ حشر عاصی مزے لے رہے ہیں شفاعت کسی کی ہے رحمت کسی کی
خدا کا دیا ہے ترے پاس سب کچھ ترے ہوتے کیا ہم کو حاجت کسی کی
قمر اِک اشارے میں دو ٹکڑے دیکھا زمانے پہ روشن ہے طاقت کسی کی
ہمیِں ہیں کسی کی شفاعت کی خاطر ہماری ہی خاطر شفاعت کسی کی
مصیبت زدو شاد ہو تم کہ اُن سے نہیں دیکھی جاتی مصیبت کسی کی
نہ پہنچیں گے جب تک گنہگار اُن کے نہ جائے گی جنت میں اُمت کسی کی
خدا سے دعا ہے کہ ہنگامِ رُخصت زبانِ حسنؔ پر ہو مدحت کسی کی
مولانا حسن رضا خان علیہ رحمہ
کرے چارہ سازی زیارت کسی کی بھرے زخم دل کے ملاحت کسی کی
حالیہ پوسٹیں
- نگاہِ لطف کے اُمیدوار ہم بھی ہیں
- مجھ پہ چشمِ کرم اے میرے آقا کرنا
- طوبےٰ میں جو سب سے اونچی نازک سیدھی نکلی شاخ
- معراج کی شب سدرہ سے وریٰ تھا اللہ اور محبوبِ الہٰ
- نہ اِترائیں کیوں عاشقانِ محؐمد
- سوہنا اے من موہنا اے آمنہ تیرا لال نی
- ترے دَر پہ ساجد ہیں شاہانِ عالم
- حدودِ طائر سدرہ، حضور جانتے ہیں
- اول حمد ثناء الہی جو مالک ہر ہر دا
- شمعِ دیں کی کیسے ہوسکتی ہے مدہم روشنی
- مرا پیمبر عظیم تر ہے
- رُبا عیات
- اب میری نگاہوں میں جچتا نہیں کوئی
- ہم مدینے سے اللہ کیوں آگئے
- سوھنیاں نیں آقا تیرے روضے دیاں جالیاں
- باغ‘جنت کے ہیں بہرِ مدح خوانِ اہلِ بیت
- اج سک متراں دی ودھیری اے
- زمیں میلی نہیں ہوتی زمن میلا نہیں ہوتا
- جب درِ مصطفےٰ کا نطارا ہو
- پوچھتے کیا ہو عرش پر یوں گئے مصطفیٰ کہ یوں