اے مدینہ کے تاجدار سلام
اے غریبوں کے غمگسار سلام
تری اک اک اَدا پر اے پیارے
سَو دُرودیں فدا ہزار سلام
رَبِّ سَلِّمْ کے کہنے والے پر
جان کے ساتھ ہو نثار سلام
میرے پیارے پہ میرے آقا پر
میری جانب سے لاکھ بار سلام
میری بگڑی بنانے والے پر
بھیج اے میرے کِردگار سلام
اُس پناہِ گناہ گاراں پر
یہ سلام اور کروڑ بار سلام
اُس جوابِ سلام کے صدقے
تا قیامت ہوں بے شمار سلام
اُن کی محفل میں ساتھ لے جائیں
حسرتِ جانِ بے قرار سلام
پردہ میرا نہ فاش حشر میں ہو
اے مرے حق کے راز دار سلام
وہ سلامت رہا قیامت میں
پڑھ لیے جس نے دل سے چار سلام
عرض کرتا ہے یہ حسنؔ تیرا
تجھ پہ اے خُلد کی بہار سلام
اے مدینہ کے تاجدار سلام
حالیہ پوسٹیں
- کون ہو مسند نشیں خاکِ مدینہ چھوڑ کر
- ترے دَر پہ ساجد ہیں شاہانِ عالم
- طوبےٰ میں جو سب سے اونچی نازک سیدھی نکلی شاخ
- آئینہ بھی آئینے میں منظر بھی اُسی کا
- میں کہاں اور تیری حمد کا مفہوم کہاں
- مدینے کی ٹھنڈی ہواؤں پہ صدقے
- تیرا ذکر میری ہے زندگی تیری نعت میری ہے بندگی
- شجرہ نصب نبی اکرم محمد صلی اللہ وسلم
- حضور ایسا کوئی انتظام ہو جائے
- نازشِ کون ومکاں ہے سنتِ خیرالوری
- ساقیا کیوں آج رِندوں پر ہے تو نا مہرباں
- رونقِ بزمِ جہاں ہیں عاشقانِ سوختہ
- ان کی مہک نے دل کے غنچے کھلا دیئے ہیں
- رب کی بخشش مل جائیگی عاصیو اتنا کام کرو
- دل و نگاہ کی دنیا نئی نئی ہوئی ہے
- زہے مقدر حضور حق سے سلام آیا پیام آیا
- نہ اِترائیں کیوں عاشقانِ محؐمد
- مرحبا عزت و کمالِ حضور
- میرا تو سب کچھ میرا نبی ہے
- نبی سَروَرِ ہر رسول و ولی ہے