بیبا عاشقاں دے رِیت تے رواج وکھرے
سارے جگ نالوں اینہاں دے مزاج وکھرے
رُل جاندے یار لئی اُف نیوں کردے
پئے چمڑی لہاندے سولی اتے چڑھدے
اینہاں لوکاں دیاں سوچاں تے رواج وکھرے
بیبا عاشقاں دے ریت تے رواج وکھرے
در یا ر دا اے قبلہ تے کعبہ اینہاں لئی
سنگ یار دی گلی دا اے سجادہ ایہناں لئی
سچے عاشقاں دے تخت تے تاج وکھرے
بیبا عاشقاں دے ریت تے رواج وکھرے
ایہہ طیبہ اتوں جنتاں نوں وار سٹدے
ایہہ بہشتاں نوں تیلی لا کے ساڑ سٹدے
طیبہ والیاں دے قمر و سراج وکھرے
بیبا عاشقاں دے ریت تے رواج وکھرے
حج اینہا دا اے یار دا دوارا ملنا
اَٹھے پہر رُخِ یار دا نظارا کرنا
ویکھ عاشقاں تے فرض نیں کاج وکھرے
بیبا عاشقاں دے ریت تے رواج وکھرے
دید یار دی اے اینہاں لئی جہاناں کولوں ودھ
سوھنے یار دی گلی ایہہ اَسماناں کولوں ودھ
روگ اینہاں دے نرالے تے علاج وکھرے
بیبا عاشقاں دے ریت تے رواج وکھرے
ایہہ یار دے پسینے اُتے رَت ڈو ہلدے
تن من رول دیندے مونہوں نیوں بولدے
درِ یار اُتے ڈھوندے نیں اے داج وکھرے
بیبا عاشقاں دے ریت تے رواج وکھرے
ایہہ دل والی دھرتی سیراب کردے
ایہہ بنجر زمیناں آب و آب کردے
بیبا ولیاں دے کُھوہ تے بیراج وکھرے
بیبا عاشقاں دے ریت تے رواج وکھرے
اے رب دے حبیب دا نیں فیض ونڈدے
ڈُبے بَیڑیاں نوں تار دیاں نیوں سنگدے
دل اُتے اینہاں لوکاں دے نیں راج وکھرے
بیبا عاشقاں دے ریت تے رواج وکھرے
بیبا عاشقاں دے رِیت تے رواج وکھرے
حالیہ پوسٹیں
- دمِ حشر جب نہ کسی کو بھی تیرے بن ملے گی امان بھی
- میرے مولا کرم ہو کرم
- دل دیاں اکھاں کدی کھول تے سہی
- شجرہ نصب نبی اکرم محمد صلی اللہ وسلم
- رب دے پیار دی اے گل وکھری
- چار یار نبی دے چار یار حق
- ہو اگر مدحِ کفِ پا سے منور کاغذ
- میں گدائے دیارِ نبی ہوں پوچھیئے میرے دامن میں کیا ہے
- مصطفی جانِ رحمت پہ لاکھوں سلام
- یا نبی سلام علیک یا رسول سلام علیک
- کس نے غنچوں کو نازکی بخشی
- امام المرسلیں آئے
- آج آئے نبیوں کے سردار مرحبا
- جنہاں نوں اے نسبت او تھاواں تے ویکھو
- لحد میں عشقِ رُخِ شہ کا داغ لے کے چلے
- تُو کجا من کجا
- زمیں میلی نہیں ہوتی زمن میلا نہیں ہوتا
- یہ ناز یہ انداز ہمارے نہیں ہوتے
- قصیدۂ معراج
- تمہارا نام مصیبت میں جب لیا ہو گا