لو مدینے کی تجلی سے لگائے ہوئے ہیں
دل کو ہم مطلع انوار بنائے ہوئے ہیں
اک جھلک آج دکھا گنبد خضرٰی کے مکیں
کچھ بھی ہیں ، دور سے دیدار کو آئے ہوئے ہیں
سر پہ رکھ دیجے ذرا دستِ تسلی آقا
غم کے مارے ہیں ، زمانے کے ستائے ہوئے ہیں
نام کس منہ سے ترا لیں کہ ترے کہلاتے
تیری نسبت کے تقاضوں کو بُھلائے ہوئے ہیں
گھٹ گیا ہے تری تعلیم سے رشتہ اپنا
غیر کے ساتھ رہ و رسم بڑھائے ہوئے ہیں
شرم عصیاں سے نہیں سامنے جایا جاتا
یہ بھی کیا کم ہے ، ترے شہر میں ائے ہوئے ہیں
تری نسبت ہی تو ہے جس کی بدولت ہم لوگ
کفر کے دور میں ایمان بچائے ہوئے ہیں
کاش دیوانہ بنا لیں وُہ ہمیں بھی اپنا
ایک دنیا کو جو دیوانہ بنائے ہوئے ہیں
اللہ اللہ مدینے پہ یہ جلووں کی پھُوار
بارشِ نور میں سب لوگ نہائے ہوئے ہیں
کشتیاں اپنی کنارے سے لگائے ہوئے ہیں
کیا وہ ڈوبے جو محمد کے ترائے ہوئے ہیں
نام آنے سے ابوبکر و عمر کا لب پر کیوں بگڑتا ہے
وہ پہلو میں سلائے ہوئے ہیں
حاضر و ناظر و نور و بشر و غیب کو چھوڑ
شکر کر وہ تیرے عیبوں کو چھپائے ہوئے ہیں
قبر کی نیند سے اٹھنا کوئی آسان نہ تھا
ہم تو محشر میں انہیں دیکھنے آئے ہوئے ہیں
کیوں نہ پلڑا تیرے اعمال کا بھاری ہو نصیر
اب تو میزان پہ سرکار بھی آئے ہوئے ہیں
لو مدینے کی تجلی سے لگائے ہوئے ہیں
دل کو ہم مطلع انوار بنائے ہوئے ہیں
اک جھلک آج دکھا گنبد خضرٰی کے مکیں
کچھ بھی ہیں ، دور سے دیدار کو آئے ہوئے ہیں
سر پہ رکھ دیجے ذرا دستِ تسلی آقا
غم کے مارے ہیں ، زمانے کے ستائے ہوئے ہیں
نام کس منہ سے ترا لیں کہ ترے کہلاتے
تیری نسبت کے تقاضوں کو بُھلائے ہوئے ہیں
گھٹ گیا ہے تری تعلیم سے رشتہ اپنا
غیر کے ساتھ رہ و رسم بڑھائے ہوئے ہیں

لو مدینے کی تجلی سے لگائے ہوئے ہیں
حالیہ پوسٹیں
- عکسِ روئے مصطفے سے ایسی زیبائی ملی
- اے حبِّ وطن ساتھ نہ یوں سوے نجف جا
- جو نور بار ہوا آفتابِ حسنِ ملیح
- سُن کملے دِلا جے توں چاھنا ایں وسنا
- اے عشقِ نبی میرے دل میں بھی سما جانا
- یا رب میری سوئی ہوئی تقدیر جگا دے
- عرش پر بھی ہے ذکرِ شانِ محؐمد
- خطا کار ہوں با خدا مانتا ہوں
- شورِ مہِ نَو سن کر تجھ تک میں دَواں آیا
- اے کہ ترے جلال سے ہل گئی بزمِ کافری
- طور نے تو خوب دیکھا جلوۂ شان جمال
- ترا ظہور ہوا چشمِ نور کی رونق
- حاجیو! آؤ شہنشاہ کا روضہ دیکھو
- میں کس منہ سے مانگوں دعائے مدینہ
- ہم درِ مصطفےٰ دیکھتے رہ گئے
- منظر فضائے دہر میں سارا علی کا ہے
- کبھی ان کی خدمت میں جا کے تودیکھو
- خواجۂ ہند وہ دربار ہے اعلیٰ تیرا
- ذرے اس خاک کے تابندہ ستارے ہونگے
- مصطفی جانِ رحمت پہ لاکھوں سلام